T20 વર્લ્ડ કપ: T20 વર્લ્ડ કપ 2024 1 જૂનથી શરૂ થવાનો છે, જેનું આયોજન અમેરિકા અને વેસ્ટ ઈન્ડિઝ કરશે અને 29 જૂને ફાઈનલ મેચ રમાશે. ટી-20 વર્લ્ડ કપ શરૂ થવામાં બહુ ઓછો સમય બાકી છે. જેના કારણે દરેક ભારતીય ક્રિકેટ ફેન્સના મનમાં એક જ સવાલ છે કે આ વખતે T20 વર્લ્ડ કપમાં કયા 15 ખેલાડીઓને તક મળશે.
આ દરમિયાન ટી20 વર્લ્ડ કપ માટે ટીમ ઈન્ડિયાની ટીમને લઈને એક મોટા સમાચાર સામે આવ્યા છે. કારણ કે, ટીમ ઈન્ડિયાના પૂર્વ ઓલરાઉન્ડર ખેલાડી ઈરફાન પઠાણે T20 વર્લ્ડ કપ માટે પોતાની 15 સભ્યોની ટીમની જાહેરાત કરી દીધી છે. પઠાણે પોતાની ટીમમાંથી ઘણા સ્ટાર ખેલાડીઓને બહાર કર્યા છે.
ટીમ ઈન્ડિયાના પૂર્વ ખેલાડી ઈરફાન પઠાણે સ્ટાર સ્પોર્ટ્સ ચેનલ પર T20 વર્લ્ડ કપ 2024 માટે પોતાની 15 સભ્યોની ટીમ પસંદ કરી છે. પઠાણે બંને ઓલરાઉન્ડર ખેલાડી શિવમ દુબે અને હાર્દિક પંડ્યાને ટીમમાં સામેલ કર્યા છે.
તમને જણાવી દઈએ કે, મીડિયા રિપોર્ટ્સ અનુસાર, હાર્દિક પંડ્યા માટે જગ્યા મેળવવી મુશ્કેલ માનવામાં આવે છે. જોકે ઈરફાન પઠાણે હાર્દિક પંડ્યાને પોતાની ટીમમાં જગ્યા આપી છે. જ્યારે પઠાણે પોતાની ટીમમાં ઋષભ પંતને વિકેટકીપર બેટ્સમેન તરીકે તક આપી છે.