રાજકોટના ધોરાજીના જાંજમેર ગામમાં લોકોના આરોગ્ય સાથે ખુલ્લેઆમ રમતા એક ચકચારી તબીબની ઝપેટમાં આવ્યો છે. માહિતીના આધારે SOGએ ડિગ્રી વગર લોકોના આરોગ્ય સાથે રમત રમી રહેલા નકલી તબીબની ધરપકડ કરી છે. નકલી ડોક્ટર સંજય ઇભાલ ધાપાની પોલીસે ધરપકડ કરી છે. આ સાથે દવાઓ સહિતની મેડિકલ વસ્તુઓ પણ જપ્ત કરવામાં આવી છે. પોલીસની પ્રાથમિક તપાસમાં સંજય ધાપા લાંબા સમયથી ડીગ્રી વગર હોસ્પિટલ ચલાવતો હોવાનું અને લોકોના આરોગ્ય સાથે રમત રમી રહ્યો હોવાનું બહાર આવ્યું છે.
બીજી તરફ તાપી જિલ્લાના સોનગઢની લોકમાન્ય મલ્ટી સ્પેશિયાલિસ્ટ હોસ્પિટલમાં પ્રેક્ટિસ કરતા ડો.હેમંત પાટીલ સામે ફરિયાદ નોંધાઈ છે. પીડિતાના પુત્રએ પોલીસમાં ફરિયાદ કરી છે કે સર્જન હોવાનો ડોળ કરીને હેમંત પાટીલે તેના પિતાના પગનું બે વખત ઓપરેશન કર્યું હતું. બે વખત ઓપરેશન નિષ્ફળ જતાં પરિવારજનોને શંકા જતાં તેઓએ ડોક્ટરની ડિગ્રી તપાસી. જેમાં પ્રાથમિક તબક્કે તબીબ નકલી હોવાનો મામલો સામે આવતાં સોનગઢ પોલીસ મથકમાં તબીબ વિરૂધ્ધ અરજી આપવામાં આવી હતી.