મેટ્રો સ્ટેશનના સિક્યોરિટી ડિટેક્ટર ગેટ સહિત ઘણી વસ્તુઓ તોડીને નુકસાન થયું હતું.
અમદાવાદમાં 28 મે રવિવારના રોજ બપોરના સમયે અસહ્ય ગરમી બાદ અચાનક વાતાવરણમાં પલટો આવ્યો હતો અને વીજળીના કડાકા સાથે જોરદાર વરસાદ પડ્યો હતો. શહેરમાં કરા સાથે ભારે વરસાદ ખાબક્યો હતો.
એક જ દિવસમાં બપોરે ગરમી, પછી કમોસમી વરસાદ અને વરસાદ પછી ઠંડી એમ ત્રણેય ઋતુનો લોકોએ અનુભવ કર્યો છે. ભારે પવન સાથે ભારે વરસાદ અને કરા પડવાને કારણે ઘણી જગ્યાએ નુકસાનના સમાચાર છે.
રાણીપ મેટ્રો સ્ટેશન વરસાદી પાણીથી ભરાઈ ગયું હતું અને ભારે પવનને કારણે મેટ્રો સ્ટેશનના સિક્યોરિટી ડિટેક્ટર ગેટ સહિત અનેક વસ્તુઓ તૂટી અને નુકસાન થયું હતું. ઉલ્લેખનીય છે કે અમદાવાદમાં ભારે વરસાદ પડ્યો હતો.આજે સાંજે 6.30 વાગ્યા બાદ વાતાવરણમાં પલટો આવ્યો હતો.
બાદમાં વીજળીના કડાકા અને ભારે પવન વચ્ચે અમદાવાદ શહેરમાં 3 ઇંચથી વધુ વરસાદ નોંધાયો છે. ઝોન મુજબ પશ્ચિમ ઝોનમાં 3.5 ઈંચ, પૂર્વ ઝોનમાં 2.5 ઈંચ, દક્ષિણ ઝોનમાં 3.25 ઈંચ, ઉત્તર ઝોનમાં 2.5 ઈંચ અને મધ્ય ઝોનમાં 3 ઈંચ વરસાદ નોંધાયો છે.