રાજસ્થાનના અજમેરમાં રહેતા દિલરાજસિંહનું પાલનપુર આગમન થતા ફટાકડા ફોડી ઉષ્માભર્યું સ્વાગત કરવામાં આવ્યું હતું. મિસ્ટર ઈન્ડિયન હેકર તરીકે પ્રખ્યાત દિલરાજ સિંહે સોશિયલ મીડિયા પર પ્રયોગો સંબંધિત વીડિયો બનાવ્યા છે અને તેમની મિસ્ટર ઈન્ડિયન હેકર નામની યુટ્યુબ ચેનલ પર 31.1 મિલિયન સબસ્ક્રાઈબર્સ છે. પાલનપુરના મહેમાન બનેલા દિલરાજસિંહે રાઠવા સાથેની વાતચીતમાં જણાવ્યું હતું કે, ગુજરાત ભારતનું હૃદય છે. મને ગુજરાતી ભાષા અને ગુજરાતી સ્વાદિષ્ટ ભોજન ગમે છે. તેમણે વધુમાં જણાવ્યું હતું કે, વડાપ્રધાન નરેન્દ્રભાઈ મોદીના શાસનમાં દેશમાં ટેકનોલોજી અને સામાજિક ટેકનોલોજીનો ખૂબ જ ઝડપી વિકાસ થયો છે. તેમણે કહ્યું કે સોશિયલ મીડિયા આજે ભારતમાં દેશની યુવા પેઢી માટે કમાણીનું મુખ્ય પ્લેટફોર્મ બની ગયું છે. ઈન્ટરનેટના આગમન પછી ખેતીની સાથે દરેક ક્ષેત્રમાં ઝડપી પ્રગતિ થઈ છે. તેમણે આશા વ્યક્ત કરી હતી કે ગૂગલ જેવી કંપનીઓ હવે ભારતમાં બનશે.