સુરતઃ સુરત પોલીસે થેલેસેમિયા પીડિત બાળકો માટે દર મહિને બ્લડ ડોનેશન કેમ્પ યોજવાનું નક્કી કર્યું છે, જે અંતર્ગત આજે ખટોદરા પોલીસ સ્ટેશનમાં બ્લડ ડોનેશન કેમ્પનું આયોજન કરવામાં આવ્યું હતું. આ રક્તદાન કેમ્પમાં સુરત પોલીસ કમિશનર અજય કુમાર તોમર પણ હાજર રહ્યા હતા.
થેલેસેમિયા પીડિત બાળકોને આખું વર્ષ રક્ત મળી રહે તે હેતુથી સુરત પોલીસે દર મહિને રક્તદાન કેમ્પ યોજવાનું નક્કી કર્યું છે. સુરત શહેર વિસ્તારમાં ચાલતી વિવિધ બ્લડ બેંકો અને થેલેસેમિયાના દર્દીઓની સારવાર કરતી હોસ્પિટલો/સંસ્થાઓ સાથે સંકલન કરવામાં આવ્યું છે.
થેલેસેમિયા પીડિતોને સ્વસ્થ જીવન માટે વારંવાર લોહી ચઢાવવાની જરૂર પડે છે. સુરત પોલીસે થેલેસેમિયાગ્રસ્ત બાળકો માટે દર મહિને રક્તદાન કેમ્પ યોજવાનું નક્કી કર્યું છે.
દરમિયાન પાંડેસરા બાદ આજે સુરતના ખટોદરા પોલીસ સ્ટેશનમાં થેલેસેમિયા પીડિત બાળકો માટે રક્તદાન કેમ્પનું આયોજન કરવામાં આવ્યું હતું. આ રક્તદાન શિબિરમાં મોટી સંખ્યામાં લોકોએ રક્તદાન કરી માનવતાનો પરિચય આપ્યો હતો.