યાત્રાળુ અંબાજીમાં આજે સવારથી ધોધમાર વરસાદ વરસ્યો હતો. હાલમાં અંબાજી અને આસપાસના વિસ્તારોમાં ભારે વરસાદને કારણે જળબંબાકારની સ્થિતિ સર્જાઈ છે. અંબાજી અને આસપાસના વિસ્તારોમાં ધોધમાર વરસાદ વરસી રહ્યો છે અને અનેક વિસ્તારોમાં પાણી ભરાઈ ગયા છે. ત્યારે યાત્રાધામ અંબાજીના મુખ્ય માર્ગો અને અન્ય માર્ગો પર વરસાદી પાણી નદીની જેમ વહેતા જોવા મળે છે. અંબાજી હાઈવે પર ભારે પાણી ભરાઈ જવાના કારણે વાહનચાલકોને મુશ્કેલીનો સામનો કરવો પડી રહ્યો છે. સાથે જ અનેક જગ્યાએ વાહનો પાણીમાં ફસાયેલા જોવા મળ્યા હતા. આજે સવારથી અંબાજી આસપાસના વિસ્તારોમાં ધોધમાર વરસાદ વરસી રહ્યો છે. જેની અસર લોકોના જાહેર જીવન પર જોવા મળી રહી છે.