અંબાજી યાત્રાધામ તરફ જતા તમામ રાજમાર્ગો ડુંગરાળ અને ઢાળવાળા હોવાના કારણે દરરોજ અકસ્માતો સર્જાય છે. અંબાજી નજીક આજે વધુ એક અકસ્માતની ઘટના પ્રકાશમાં આવી છે. અંબાજી આબુ રોડ હાઈવે પર ટ્રેલરનો અકસ્માત થયો હતો. અંબાજી આબુ રોડ હાઈવે પર આજે એક ટ્રેલરને અકસ્માત નડ્યો હતો. અંબાજી નજીક છાપરી ચેકપોસ્ટ પાસે વળાંક પર ટ્રેલર સામે આવતી કારને ટાળવાનો પ્રયાસ કરતાં ચાલકે સ્ટિયરિંગ પરનો કાબૂ ગુમાવ્યો હતો. ટ્રેલર બેકાબુ થઈને રોડની બાજુના ખાડામાં પડી ગયું હતું. આબુ રોડ અંબાજી હાઇવે પર ટ્રેલરને અકસ્માત નડતાં સદનબીનો આબાદ બચાવ થયો હતો. ટ્રેલર રોડની બાજુના ખાડામાં પડી જતાં ચાલકનો આબાદ બચાવ થયો હતો. આ પછી ટ્રેલરને હટાવવા માટે જેસીબીની મદદ લેવામાં આવી હતી.