શહેરના પશ્ચિમ વિસ્તારમાં પાલડી, નારણપુરા, વાસણા, ગોતા, ચાંદલોડિયા સહિતના વિવિધ વિસ્તારોમાં વરસાદ પડ્યો છે જ્યારે પૂર્વ વિસ્તાર- જમાલપુર, નરોડા, નિકોલ રોડ, કુબેરનગર, સરદારનગરમાં પણ વરસાદ પડ્યો છે.
અમદાવાદમાં ભારે પવન સાથે વરસાદ શરૂ થયો છે. શહેરના વિવિધ વિસ્તારોમાં વરસાદ પડી રહ્યો છે. શહેરના પશ્ચિમ વિસ્તારમાં પાલડી, નારણપુરા, વાસણા, ગોતા, ચાંદલોડિયા સહિતના વિવિધ વિસ્તારોમાં વરસાદ પડ્યો છે જ્યારે પૂર્વ વિસ્તાર- જમાલપુર, નરોડા, નિકોલ રોડ, કુબેરનગર, સરદારનગરમાં પણ વરસાદ પડ્યો છે.
હવામાન વિભાગે દક્ષિણ, ઉત્તર અને મધ્ય ગુજરાતમાં ભારે વરસાદની આગાહી કરી છે. રાજ્યના મોટાભાગના જિલ્લાઓમાં 12 સપ્ટેમ્બર સુધી ભારેથી અતિભારે વરસાદની શક્યતા છે, ખાસ કરીને પંચમહાલ, દાહોદ, ગોધરા, નવસારી, ડાંગ, સાપુતારા, હિંમતનગર અને અન્ય વિસ્તારોમાં.
96 વર્ષમાં જૂન-જુલાઈમાં સૌથી વધુ વરસાદ, 86 વર્ષમાં ઓગસ્ટમાં સૌથી ઓછો વરસાદ.જૂન-જુલાઈમાં ગુજરાતમાં સાડા 27 ઈંચ વરસાદે છેલ્લા 96 વર્ષમાં સૌથી વધુ વરસાદનો રેકોર્ડ બનાવ્યો છે. અગાઉ જૂન-જુલાઈ 1927માં 30.5 ઈંચ વરસાદ પડ્યો હતો જ્યારે ઓગસ્ટમાં માત્ર દોઢ ઈંચ વરસાદ પડ્યો હતો જે 86 વર્ષમાં નોંધાયેલો સૌથી ઓછો વરસાદ છે.
ઓગસ્ટ મહિનામાં રાજ્યમાં સરેરાશ 9 ઈંચ વરસાદ પડવો જોઈતો હતો, જેની સામે 89 ટકા એટલે કે માત્ર દોઢ ઈંચ જ વરસાદ થયો હતો. અગાઉનો રેકોર્ડ 1937માં 17.4 મીમીનો હતો, જે રાજ્યમાં 86 વર્ષમાં સૌથી ઓછો ઓગસ્ટ વરસાદ હતો. આ માહિતી પુણેના હવામાન વિભાગના ક્લાઈમેટ રિસર્ચ અને સર્વિસના ડેટામાંથી પ્રાપ્ત થઈ છે.