18 વર્ષથી ઉપરના યુવાનોને મતદાન અંગે જાગૃત કરવા કલેકટરના નેતૃત્વમાં શહેરીજનોએ મેરેથોનમાં ભાગ લીધો હતો.
આગામી લોકસભા સામાન્ય ચૂંટણી-2024માં મતદાન માટે લોકોમાં જાગૃતિ આવે તે માટે જિલ્લા વહીવટી તંત્ર દ્વારા પ્રયાસો કરવામાં આવી રહ્યા છે, આ પ્રયાસો અંતર્ગત અનેક પ્રવૃત્તિઓ હાથ ધરવામાં આવી રહી છે. જે અંતર્ગત શનિવારે વહેલી સવારે પાટણમાં રન ફોર વોટ માટે મેરેથોનનું આયોજન કરવામાં આવ્યું હતું. જિલ્લા કલેક્ટર અરવિંદ વિજયનની અધ્યક્ષતામાં પાટણના નાગરિકો સહિત 18 વર્ષથી ઉપરના યુવાનો અને અધિકારીઓ-કર્મચારીઓએ મેરેથોનમાં ભાગ લીધો હતો.