આણંદમાં કાર અને બાઇક વચ્ચે અકસ્માતનો કિસ્સો સામે આવી રહ્યો છે. જેમાં બાઇક સવારનું મોત થયું છે. ખંભાતના બામણવા પાસે આ અકસ્માત સર્જાયો હતો. વળાંક લેતી વખતે બાઇક ચાલકે પુરપાટ ઝડપે આવતી કારને ટક્કર મારી હતી. ગમખ્વાર અકસ્માતની સમગ્ર ઘટના સીસીટીવીમાં કેદ થઈ ગઈ છે. આ બનાવને ધ્યાને લઇ ખંભાત ગ્રામ્ય પોલીસે ફરિયાદ નોંધી તપાસ હાથ ધરી છે.
ખંભાતના બામણવા પાસે મુખ્ય માર્ગ પર બાઇક પલટી જતા કાર અને બાઇક વચ્ચે અકસ્માત સર્જાયો હતો. પુરપાટ ઝડપે આવતી કારે ટક્કર મારતા બાઇક સવારનું ઘટના સ્થળે જ મોત નીપજ્યું હતું. આ ઘટનાના CCTV ફૂટેજ સામે આવ્યા છે. મૃતક બાઇક સવાર બામણવા ગામનો રહેવાસી હોવાનું જાણવા મળ્યું છે. કાર ચાલકની ઓળખ ઉંડેલ ગામના રહેવાસી તરીકે થઈ છે.