દિસપુર. આસામમાં HIV એઈડ્સનું જોખમ વધી રહ્યું છે. આસામના આરોગ્ય મંત્રી કેશબ મહંતે આ અંગે વિધાનસભામાં મુદ્દો ઉઠાવ્યો છે. તેમણે કહ્યું કે રાજ્યમાં HIV-AIDSના કેસોમાં ઝડપથી વધારો થઈ રહ્યો છે, જેનું મુખ્ય કારણ ડ્રગ્સનો દુરુપયોગ છે. આરોગ્ય મંત્રી મહંતે કહ્યું કે ડિસેમ્બર 2023 સુધીમાં 9,90,372 ટેસ્ટ કરવામાં આવ્યા હતા, જેમાંથી 5,791 પોઝિટિવ મળ્યા હતા. આસામના આરોગ્ય મંત્રી કેશબ મહંતે વિધાનસભામાં આ મુદ્દો ઉઠાવ્યો હતો. તેમણે કહ્યું કે સરકાર NGOની મદદથી HIV પોઝીટીવ વ્યક્તિઓ સાથે કામ કરી રહી છે. જો કે, દર્દીઓની વિગતો તેમની ઓળખ બચાવવા માટે જાહેર કરવામાં આવી ન હતી. વિધાનસભામાં પ્રશ્નકાળ દરમિયાન આ મુદ્દે ચર્ચા થઈ હતી. કોંગ્રેસના ધારાસભ્ય સિબામોની બોરાએ વિધાનસભામાં પ્રશ્નકાળ દરમિયાન રાજ્યમાં એચઆઈવી (હ્યુમન ઇમ્યુનોડેફિસિયન્સી વાયરસ)ના દર્દીઓના વ્યાપનો મુદ્દો ઉઠાવ્યો હતો અને દાવો કર્યો હતો કે નવા ચેપમાં વધારો થયો છે.
તેમણે દાવો કર્યો હતો કે લગભગ 50 ટકા ડ્રગ પેડલર્સ પોતે સંક્રમિત છે. સરકાર પર બેદરકારીનો આરોપ લગાવતા બોરાએ કહ્યું કે કોવિડ-19 રોગચાળો ફાટી નીકળ્યો ત્યારથી સરકારે HIV વિશે જાગૃતિ ફેલાવવા પર ધ્યાન આપવાનું બંધ કરી દીધું છે જેના કારણે કેસોમાં વધારો જોવા મળ્યો છે. દરમિયાન, બોરાના આક્ષેપોનો જવાબ આપતાં, આરોગ્ય પ્રધાન મહંતે તેમના જવાબમાં જણાવ્યું હતું કે રાજ્યમાં 2002 થી 2023 દરમિયાન કરવામાં આવેલા 89,84,519 પરીક્ષણોમાંથી 31,729 HIV-AIDSના કેસ નોંધાયા છે. જો કે, રાજ્ય સરકાર તમામ સરકારી અને અન્ય આરોગ્ય કેન્દ્રો તેમજ જેલો જેવા સંવેદનશીલ સ્થળોએ પરીક્ષણ, પરામર્શ અને સારવાર માટેની તમામ સુવિધાઓ પૂરી પાડી રહી છે.