BRC ભવન ઊંઝા દ્વારા RK ફાઉન્ડેશન ઊંઝા અને રોટરી પરિવારના સહયોગથી ઊંઝા તાલુકાના વિકલાંગ બાળકો માટે ઊંઝાથી સહસ્ત્રલિંગ તળાવ, રાંકીવાવ, પટોળા હાઉસ, મ્યુઝિયમ, પ્રાદેશિક વિજ્ઞાન કેન્દ્ર ડાયનાસોર પાર્ક પાટણ સુધીની એક દિવસીય એક્સપોઝર વિઝિટ શૈક્ષણિક પ્રવાસનું આયોજન કરવામાં આવ્યું હતું. જેમાં 23 વિકલાંગ બાળકો અને તેમના વાલીઓ માટે સુંદર વ્યવસ્થા કરવામાં આવી હતી. આ વિકલાંગ બાળકો અને તેમના વાલીઓમાં અદ્ભુત ખુશી અને ઉત્સાહ જોવા મળ્યો હતો. ખરેખર, ઊંઝા તાલુકાના આવા બાળકો માટે આ યાત્રા હંમેશા યાદગાર બની રહેશે.