દાસજ ગામનો વતની પરમાર વિજય ઊંઝા સિક્યુરીટી ગાર્ડ તરીકે નોકરી કરતો હોવાથી બાઇક લઇને ઊંઝા ગયો હતો. જે બજાજ ડિસ્કવર આરટીઓ રજીસ્ટ્રેશન નંબર જીજે-02-એઆર-4659 બાઇક લઇને જતો હતો. દરમિયાન દાસજથી ઊંઝા રોડ પર કોઈ વસ્તુના કારણે બાઇક સ્લીપ થઈ ગયું હતું. જેમાં બાઇક ચાલક પરમાર વિજયને માથાના ભાગે ગંભીર ઇજાઓ પહોંચી હતી.
તાત્કાલિક 108 એમ્બ્યુલન્સ બોલાવી ઊંઝા સિવિલ હોસ્પિટલ લઇ જવાયો હતો. આ પછી ઊંઝા પોલીસે પરિવારને જાણ કરતાં પરિવારજનો ઊંઝા સિવિલ હોસ્પિટલ પહોંચ્યા હતા. ત્યાં ઊંઝા સિવિલના તબીબે પરમાર વિજયને મૃત જાહેર કર્યો હતો. પોસ્ટમોર્ટમ બાદ મૃતદેહ સ્વજનોને સોંપવામાં આવ્યો હતો. વધુમાં ઊંઝા પોલીસે ગુનો નોંધી તપાસ હાથ ધરી છે.