(GNS),12
સ્થાનિક સ્વરાજ્યની સંસ્થાઓમાં OBC અનામતને લઈને મહત્વના સમાચાર છે. 27 ટકા ઓબીસી અનામત માટે બિલ તૈયાર કરવામાં આવ્યું છે. મ્યુનિસિપલ કોર્પોરેશન, મ્યુનિસિપાલિટી એક્ટ અને ગુજરાત પંચાયત એક્ટમાં સુધારો કરવા માટેનું બિલ તૈયાર કરવામાં આવ્યું છે. 15 સપ્ટેમ્બરે કાયદા મંત્રી ઋષિકેશ પટેલ આ બિલ વિધાનસભા ગૃહમાં રજૂ કરશે. ગુજરાત પ્રાંતીય મ્યુનિસિપલ કોર્પોરેશન એક્ટ 1949ની કલમ 5 ની પેટા કલમ 6 માં સુધારો કરવાની જોગવાઈ બિલમાં છે. જ્યારે કોર્પોરેશનમાં 10 ટકાને બદલે 27 ટકા ઓબીસી અનામત રાખવાની કલમમાં સુધારો કરવાની જોગવાઈ બિલમાં છે. આ ઉપરાંત તમામ અનામત 50 ટકાથી વધુ ન હોવી જોઈએ તેવી જોગવાઈ પણ સુધારા બિલમાં રાખવામાં આવી છે. સૌથી વધુ સુધારાઓ ગુજરાત પંચાયત અધિનિયમ 1993ની કલમોમાં કરવામાં આવ્યા છે.