(GNS),18
અમદાવાદ સોલા પોલીસના કસ્ટડીમાં રહેલા આરોપીનું નામ નીરવ બાવકુભાઈ જેબલીયા છે. જેની સોલા પોલીસે કચ્છ ગાંધીધામમાંથી ધરપકડ કરી હતી. મહત્વનું છે કે જુલાઇ અને ઓગસ્ટ મહિનામાં નીરવ વિરુદ્ધ બે અલગ-અલગ ફરિયાદ દાખલ કરવામાં આવી હતી. એક ગુનામાં, છેતરપિંડી આચારીએ પીડિતા પાસેથી ચોરેલી કાર વેચવાના બહાને 4.23 લાખ રૂપિયા લીધા હતા અને તેને કાર આપી ન હતી. બીજી તરફ ગુજરાત હાઈકોર્ટનો બનાવટી આદેશ બનાવી પીડિતા પાસેથી રૂ.5 લાખ લેવામાં આવ્યા હતા. જેમાં ગુજરાત હાઈકોર્ટના ધ્યાને હકીકત આવતાં ગુનો નોંધવામાં આવ્યો હતો. આરોપી નીરવ વિરૂદ્ધ નોંધાયેલી ફરિયાદની તપાસ દરમિયાન હકીકત સામે આવી હતી કે નીરવ કોઈપણ કામ માટે પૈસા લેતો હતો. આ ઉપરાંત જો કોઈ વધુ આગ્રહ કરશે તો ખોટા કેસમાં ફસાવી પોલીસને બોલાવવાની ધમકી પણ આપતો હતો. ઉપરોક્ત બંને ગુનામાં આરોપીઓએ નિર્દોષ પીડિતા પાસેથી રૂ.9.5 લાખ પડાવી લીધા છે. જો કે, જ્યારે તે પૈસા પરત માંગતો હતો ત્યારે તે ધમકીઓ આપતો હતો. જોકે, બંને ગુનાઓ બાદ આરોપી શહેરમાંથી ફરાર થઈ ગયો હતો અને ગાંધીધામના એક રિસોર્ટમાંથી તેની ધરપકડ કરવામાં આવી હતી. આરોપી નીરવ પોલીસના હાથે પકડાઈ ન જાય તે માટે અલગ-અલગ રિસોર્ટમાં ફરતો હતો.