2 દિવસમાં 85 જેટલી ફ્લાઈટ મોડી પડી, 16 ફ્લાઈટ કેન્સલ થઈ.
(GNS),તા.16
અમદાવાદ,
દિલ્હીના મોટાભાગના વિસ્તારો ગાઢ ધુમ્મસથી ઢંકાયેલા જોવા મળ્યા છે. દરમિયાન, ભારતીય હવામાન વિભાગે જણાવ્યું હતું કે પાલમ અને સફદરજંગ એરપોર્ટ પર 500 મીટર વિઝિબિલિટી નોંધવામાં આવી હતી. જેના કારણે ગુજરાતમાંથી ઉપડતી ફ્લાઈટને પણ ઘણી અસર થઈ છે. ભારે ધુમ્મસના કારણે ટ્રેનો પણ મોડી પડી રહી છે. હાલમાં સમગ્ર ઉત્તર ભારતમાં ઠંડીનું મોજુ પ્રસરી ગયું છે. જેના કારણે વાતાવરણમાં ગાઢ ધુમ્મસ છવાઈ ગયું છે. સ્થિતિ એવી છે કે તેની અસર ફ્લાઈટ્સ અને ટ્રેનોને થઈ છે. ઉત્તર ભારતમાં ધુમ્મસના કારણે હવાઈ મુસાફરીને અસર થઈ છે.ઉત્તર ભારતમાં ધુમ્મસના કારણે હવાઈ મુસાફરીને નોંધપાત્ર અસર થઈ છે. મકરસંક્રાંતિની રજાઓમાં પરત ફરતા પ્રવાસીઓ આ કારણોસર અટવાયા છે. અમદાવાદ એરપોર્ટ પરથી ઉપડતી ઘણી ફ્લાઈટોને અસર થઈ છે.
2 દિવસમાં 85 જેટલી ફ્લાઈટ મોડી પડી છે. તો 16 ફ્લાઈટ્સ કેન્સલ કરવામાં આવી છે. નવીનતમ અપડેટ મુજબ, અમદાવાદથી દિલ્હી, જયપુર, આગ્રા, જમ્મુ, લખનૌ, દેહરાદૂન, વારાણસી, ગોવા, શ્રીનગર, ચંદીગઢ, રાયપુર, બેંગલુરુ, કોલકાતા, જેસલમેરની ફ્લાઈટને અસર થઈ છે. જેમાં ઈન્ડિગોએ સૌથી વધુ 62 ફ્લાઈટ મોડી કરી છે. વિઝિબિલિટી ઓછી થવાને કારણે ફ્લાઈટને લેન્ડિંગ કરવામાં મુશ્કેલી પડી રહી છે. જેના કારણે અમદાવાદ એરપોર્ટ પર મુસાફરોને કલાકો સુધી ટર્મિનલમાં બેસી રહેવું પડે છે. જો કે ફ્લાઇટ કેટલી મોડી હશે તેની કોઇ માહિતી નથી. એરપોર્ટ મુસાફરોથી ભરેલું છે. લોકો કલાકો સુધી ફ્લાઈટની રાહ જોઈ રહ્યા છે. એરપોર્ટ પર ભીડ રેલવે સ્ટેશન જેવી છે.
ઠંડા વાતાવરણમાં મુસાફરો ફ્લાઇટની રાહ જોઈને જમીન પર બેઠા છે. ફ્લાઇટમાં વિલંબ થતાં, મુસાફરોએ રનવેને ખુલ્લા જમવાની જગ્યામાં ફેરવી દીધો; તેઓ એરક્રાફ્ટ પાર્કિંગમાં ભેગા થયા હતા. આ દ્રશ્યનો વીડિયો હાલ સોશિયલ મીડિયા પર વાયરલ થઈ રહ્યો છે. ગોવાથી દિલ્હી જતી ઈન્ડિગોની ફ્લાઈટ રવિવારે 12 કલાક મોડી પડી હતી. સવારે 10.45ની ફ્લાઇટ ગોવા એરપોર્ટથી 10.06 કલાકે ટેકઓફ થઈ હતી. ગાઢ ધુમ્મસના કારણે પ્લેન લગભગ 11 વાગે મુંબઈ એરપોર્ટ પર એક કલાક મોડું લેન્ડ થયું હતું. જેથી નારાજ મુસાફરો પ્લેનમાંથી ઉતરીને એરક્રાફ્ટ પાર્કિંગમાં બેસી ગયા હતા.