ગુજરાતના 14 શહેરોમાં ગરમીનું તાપમાન 36 ડિગ્રીને પાર પહોંચી ગયું છે
38 ડિગ્રી સાથે નલિયા સૌથી વધુ ગરમ રહ્યું હતું
(GNS),તા.18
અમદાવાદ,
ગુજરાતમાં આકરી ગરમીના દિવસો શરૂ થયા છે. હાલમાં ગુજરાતના અનેક શહેરો આગની લપેટમાં આવી ગયા હોય તેવો અનુભવ થઈ રહ્યો છે. હવામાન વિભાગના લેટેસ્ટ અપડેટ મુજબ ગુજરાતના 14 શહેરોમાં ગરમીનો પારો 36 ડિગ્રીને પાર પહોંચી ગયો છે. તો 5 શહેરોમાં મહત્તમ તાપમાન 37 ડિગ્રી અને તેથી વધુ નોંધાયું હતું. નલિયા 38 ડિગ્રી સાથે સૌથી ગરમ રહ્યું છે. રાજ્યમાં આકરી ગરમી પડી રહી છે. રાજ્યના તમામ શહેરોમાં તાપમાનમાં વધારો થયો છે. રાજ્યમાં તાપમાન 38 ડિગ્રીને પાર પહોંચી ગયું છે. તો કચ્છનુ નલિયા શહેર શિયાળામાં સૌથી ઠંડુ અને ઉનાળામાં સૌથી ગરમ હોય છે.
ગુજરાતમાં સૌથી વધુ તાપમાન 38.0 ડિગ્રી સેલ્સિયસ નોંધાયું છે. તો આંકડા મુજબ રાજ્યના 14 શહેરોમાં તાપમાન 36 ડિગ્રીને પાર પહોંચી ગયું છે. અમદાવાદમાં તાપમાન 36.1 ડિગ્રીને પાર પહોંચી ગયું છે. રાજ્યમાં હજુ પણ તાપમાન વધવાની આગાહી કરવામાં આવી છે. આગાહીકાર અંબાલાલ પટેલે વર્ષ 2024માં તીવ્ર ગરમીના મોજાની આગાહી કરી છે. તેમણે કહ્યું કે આગામી દિવસોમાં આકરી ગરમી પડશે. 22મી માર્ચ સુધીમાં મધ્ય ગુજરાતના ભાગોમાં તાપમાન 42 ડિગ્રી સુધી પહોંચી શકે છે. તો ગુજરાતના અનેક વિસ્તારોમાં હીટવેવની શક્યતા છે. જેમાં કચ્છ અને ઉત્તર સૌરાષ્ટ્રના ભાગોમાં વધુ ગરમી પડશે. 15 માર્ચથી તાપમાનમાં ધીમે ધીમે વધારો થવા લાગ્યો છે. કચ્છ જિલ્લામાં ઉનાળાની શરૂઆતથી જ મોટાભાગના ડેમો ધરાશાયી થયા છે.
જિલ્લામાં 20 જેટલા મધ્યમ સિંચાઈના ડેમો છે જેમાંથી 3 ડેમમાં પાણીનો જથ્થો નહિવત છે. ત્યારે આગામી દિવસોમાં વાવાઝોડા જેટલો મોટો આકાર લે તેવી સ્થિતિ જોવા મળી રહી છે. ઉનાળામાં જિલ્લામાં પાણીની ગંભીર સમસ્યા ઉભી થશે તેવું પહેલેથી જ લાગી રહ્યું છે. આગામી સમયમાં જિલ્લામાં ગરમીનું પ્રમાણ વધશે ત્યારે જિલ્લાના મધ્યમ વર્ગના 20 ડેમોમાં હવે માત્ર 37.05 ટકા જ પાણી છે.હવે 20 ડેમોમાં 123.12 મિલિયન ઘનફૂટ પાણીનો સંગ્રહ કરવાનો બાકી છે. જિલ્લામાં મધ્યમ સિંચાઈ યોજનાના 20 ડેમ આવેલા છે. છેલ્લા અઠવાડીયાથી આકરી ગરમી પડી રહી છે. ત્યારે ભુજ તાલુકાના સૌથી મોટા ડેમમાં 5 ટકા પણ પાણી બચ્યું નથી. આગામી ઉનાળામાં પાણીની માંગમાં વધારો થશે, પરંતુ ડેમની જળ સંગ્રહ ક્ષમતામાં સતત ઘટાડો જોવા મળી રહ્યો છે.