ચીનના ઝિજાંગ (તિબેટ) સ્વાયત્ત ક્ષેત્રની ગિરોંગ કાઉન્ટીમાં એક પ્રવાસી દ્વારા કેપ્ચર કરાયેલા એક વીડિયોએ નેપાળ-ચીન સરહદ પર વિનાશક કાદવની સત્યતાનો પર્દાફાશ કર્યો છે.
ચાઇનીઝ એકેડેમી ઓફ સાયન્સિસ (CAS) ના ઇન્સ્ટિટ્યૂટ ઓફ માઉન્ટેન રિસ્ક એન્ડ એન્વાયર્નમેન્ટના ડાયરેક્ટર કાંગ શિચાંગે પુષ્ટિ કરી હતી કે વિડિયોમાં દેખાતો વિસ્તાર રિમોટ સેન્સિંગ ઈમેજીસમાં આપત્તિના કેન્દ્ર જેવો જ હતો.
7 મિનિટમાં 20 કિલોમીટર સુધી તબાહીઃ કેવી રીતે થયો અકસ્માત?
ચીનના નિષ્ણાતો અને મીડિયા રિપોર્ટ્સ અનુસાર, નેપાળ બોર્ડર પાસે ઊંચા પહાડી વિસ્તારમાં બરફ અને ખડકોના પતનને કારણે આ ભયાનક દુર્ઘટના 26 ઓગસ્ટે થઈ હતી.
ગ્લેશિયર તૂટવાની આ ઘટના લગભગ 5,140 મીટરની ઉંચાઈ પર બની હતી, જેણે લગભગ 6,20,000 ચોરસ મીટર વિસ્તારને અસર કરી હતી. બરફ, ખડકો અને કાટમાળનો આ વધતો પ્રવાહ 50 મીટર પ્રતિ સેકન્ડની ઝડપે લગભગ 20 કિલોમીટર ડાઉનસ્ટ્રીમમાં વહેતો હતો. 3,300 મીટરની ઊંચાઈએથી પડતા આ પૂરને ગિરોંગ બંદર સુધી પહોંચવામાં માત્ર 7 મિનિટનો સમય લાગ્યો હતો.
