ચંદ્રયાન 3ના લેન્ડર ‘વિક્રમ’ના ચંદ્ર પર સફળ ઉતરાણ બાદ ઈસરોની ઘણી પ્રશંસા થઈ રહી છે. આ સફળ મિશન માટે ISROને વિશ્વભરમાંથી અભિનંદન મળી રહ્યા છે. આ દરમિયાન કોંગ્રેસ સંસદીય દળના અધ્યક્ષ સોનિયા ગાંધીએ ઈસરોના વડાને અભિનંદન પાઠવતો પત્ર લખ્યો છે.
ઈસરોના વડા એસ સોમનાથને લખેલા પત્રમાં સોનિયાએ લખ્યું છે કે, “આ પત્ર તમને એ જણાવવા માટે છે કે ગઈકાલે સાંજે ઈસરોની શાનદાર સિદ્ધિથી હું કેટલી રોમાંચિત હતી.” તમામ ભારતીયો, ખાસ કરીને યુવા પેઢી માટે આ ખૂબ જ ગર્વ અને ઉત્સાહની વાત છે.