ડેસ્ક: આજના રાજકારણમાં પક્ષો ચૂંટણી જીતવા માટે કેટલી હદે જઈ શકે છે તેની કોઈ મર્યાદા નથી. આંધ્રપ્રદેશના રાજકારણમાંથી એક મોટા સમાચાર સામે આવી રહ્યા છે. જ્યાં તાજેતરની ઘટનાઓ દર્શાવે છે કે લોકસભા ચૂંટણી પહેલા રાજ્યમાં પ્રચાર અભિયાનમાં કોન્ડોમનો પણ સમાવેશ કરવામાં આવ્યો છે. જનતા પાસેથી મત મેળવવા માટે, આંધ્રપ્રદેશના બે રાજકીય પક્ષો તેમના પક્ષના ચૂંટણી ચિન્હ સાથે કોન્ડોમના પેકેટ વહેંચી રહ્યા છે. જે ખૂબ જ ઝડપથી વાયરલ થઈ રહ્યો છે.
તમને જણાવી દઈએ કે રાજકીય પક્ષો ચૂંટણી જીતવા માટે કંઈ પણ કરી શકે છે. ચૂંટણી પહેલા દરેક જગ્યાએ પૈસા, દારૂ અને સાડીઓનું વિતરણ થાય છે. પરંતુ આ વખતે મામલો આટલેથી અટક્યો ન હતો. હવે દારૂ અને પૈસા, સાડીઓ બાદ ચૂંટણી રેલીઓમાં કોન્ડોમના પેકેટ પણ આપવામાં આવી રહ્યા છે.
આંધ્ર પ્રદેશની બે રાજકીય પાર્ટીઓ પર આરોપ છે કે તેઓ કોન્ડોમના પેકેટ પર તેમના ચૂંટણી ચિન્હ અને પાર્ટીનું નામ છાપીને રાજ્યમાં લોકોમાં વહેંચી રહ્યાં છે. જેનો વીડિયો અને ફોટો સોશિયલ મીડિયા પર ખૂબ જ ઝડપથી વાયરલ થઈ રહ્યા છે. વાયરલ વીડિયો અને ફોટોમાં, કાર્યકરોને સત્તાધારી YSRCP અને મુખ્ય વિપક્ષી પાર્ટી TDP બંનેના ચૂંટણી ચિન્હો ધરાવતા કોન્ડોમના પેકેટ્સનું વિતરણ કરતા જોઈ શકાય છે.