આજે બનાસકાંઠાના ડીસામાંથી સ્ટેટ મોનીટરીંગ સેલની ટીમે જાહેર સ્થળે વરલી મટકામાં જુગાર રમતા કુલ 12 લોકોને પકડી પાડ્યા હતા. આરોપીઓ પાસેથી કુલ રૂ.1.60 લાખનો મુદ્દામાલ કબજે કરી આગળની કાર્યવાહી હાથ ધરી હતી.
ડીસા કોલેજ રોડ પર સરદાર બાગ પાસે છેલ્લા ઘણા સમયથી જાહેરમાં જુગાર રમાતો હોવાની ફરિયાદો મળી રહી હતી. આ માહિતી મળ્યા બાદ સ્ટેટ મોનિટરિંગ સેલની ટીમે તપાસ શરૂ કરી હતી. સરદારબાગ પાસે ખુલ્લામાં જુગાર રમતી એક ટોળકી ઝડપાઈ હતી. જેમાં વરલી મટકાનો જુગાર રમતા 12 લોકો પોલીસની ટીમના હાથે રંગેહાથ ઝડપાયા હતા.
જુગાર રમતા આરોપીઓ પાસેથી ચાર ટુ વ્હીલર, નવ મોબાઈલ, પાણીનો જગ અને રોકડ મળી કુલ રૂ.1.60 લાખનો મુદ્દામાલ કબજે કરવામાં આવ્યો હતો. જ્યારે કુલ 12 શખ્સો સામે જુગાર ધારાની કલમ 12(A) હેઠળ ગુનો નોંધી ડીસા શહેર દક્ષિણ પોલીસે વધુ તપાસ હાથ ધરી છે.
જુગાર રમતા આરોપીઓ પાસેથી ચાર ટુ વ્હીલર, નવ મોબાઈલ, પાણીનો જગ અને રોકડ મળી કુલ રૂ.1.60 લાખનો મુદ્દામાલ કબજે કરવામાં આવ્યો હતો. જ્યારે કુલ 12 શખ્સો સામે જુગાર ધારાની કલમ 12(A) હેઠળ ગુનો નોંધી ડીસા શહેર દક્ષિણ પોલીસે વધુ તપાસ હાથ ધરી છે.