ડીસાના જુનાડીસા ગામેથી એલસીબીની ટીમે જુગાર રમતા છને ઝડપી લીધા હતા. પોલીસે જુગારીઓ પાસેથી રોકડ, કાર અને ત્રણ બાઇક સહિત કુલ રૂ.2.20 લાખનો મુદ્દામાલ કબજે કરી તમામ સામે ગુનો નોંધ્યો હતો. બનાસકાંઠા જિલ્લામાં શ્રાવણ માસ દરમિયાન મોટા પ્રમાણમાં જુગાર રમાતો હોવાથી પોલીસને જુગાર સંબંધિત ગુનાઓની તપાસ કરવાની સૂચના આપવામાં આવી હતી. આવા સંજોગોમાં બનાસકાંઠા એલસીબી પોલીસ જુગારીઓને પકડવા સક્રિય બની છે. ત્યારે ડીસા ગ્રામ્ય વિસ્તારમાં જુગાર અંગે એલસીબીની ટીમ પેટ્રોલીંગમાં હતી. દરમિયાન જુનાડીસા વાસણા તરફ જતા રોડની બાજુમાં આવેલા ચરેડામાં કેટલાક શખ્સો જુગાર રમી રહ્યા હોવાની બાતમી મળી હતી. જેથી પોલીસે ઓચિંતી દરોડો પાડીને 6 લોકોને જુગાર રમતા પકડી પાડ્યા હતા.
જુગાર રમતા મનોજકુમાર વસીભાઈ પ્રજાપતિ (અવાસ. પોસ્ટઓફિસની બાજુમાં, જુનાડીસા), ઉર્વેશભાઈ રહેમતુલ્લા શેખ (રહે. નવાપુરા, જુનાડીસા), દિનેશકુમાર બાબુલાલ પુંડિયા (અ. સલીમભાઈ કુરેશી (રહે. ગાવડી, ડીસા), જયેશકુમાર વિરમાભાઈ પુંડિયા (રહે. નવાપુરા, જુનાડીસા)ને ઝડપી લેવામાં આવ્યા હતા. પોલીસે તેમની પાસેથી રોકડ, મોબાઈલ, ત્રણ બાઇક અને એક કાર મળી કુલ 2.20 લાખનો મુદ્દામાલ કબજે કરી તમામ સામે ડીસા ગ્રામ્ય પોલીસ મથકે ગુનો નોંધી આગળની કાર્યવાહી હાથ ધરી છે.