ડીસા પાલનપુર હાઇવે પર ભોયણ પાસે સાંજના સમયે પગપાળા જઇ રહેલા યુવાનને બાઇક સવારે ટક્કર મારી ફરાર થઇ ગયાની ઘટના પ્રકાશમાં આવી છે. અકસ્માતમાં ગંભીર રીતે ઘવાયેલા યુવકને સારવાર માટે ખાનગી હોસ્પિટલમાં દાખલ કરવામાં આવ્યો છે.
ડીસા-પાલનપુર હાઈવે પર આવેલી આકાશ વિલા સોસાયટીમાં રહેતો સંજય ઠક્કર નામનો યુવાન સાંજે મેદાનમાં ચાલતો હતો અને રાબેતા મુજબ ભોયણ ગામના પાટિયા પાસેથી પસાર થઈ રહ્યો હતો. ત્યારે પૂરપાટ ઝડપે આવી રહેલા એક બાઇક સવારે યુવાનને ટક્કર મારતા અકસ્માત સર્જાયો હતો. અકસ્માતમાં યુવક રોડ પર પટકાયો હતો અને ગંભીર રીતે ઘાયલ થયો હતો.