ડીસામાં ગેસ સિલિન્ડર લીક થવાને કારણે રહેણાંક મકાનમાં આગ લાગી હતી. ઘટનાની જાણ થતાં સ્થાનિક નગરસેવક અને પાલિકાની ફાયર બ્રિગેડની ટીમ તાત્કાલિક ઘટના સ્થળે પહોંચી આગને કાબૂમાં લીધી હતી. તેમજ આજે મોડી સાંજે તેઓ પોતાના ઘરે ભોજન બનાવવાની તૈયારી કરી રહ્યા હતા અને ગેસનો ચૂલો ચાલુ કરવા જતા હતા ત્યારે અચાનક ગેસ સિલિન્ડર લીક થવાના કારણે આગ ભભૂકી ઉઠી હતી.
આગ લાગી ત્યારે પ્રેમસિંહ રાઠોડે બહાદુરી બતાવી સળગતી બોટલ નીચે ઉતારી ઘરની બહાર દોડી ગયા હતા. આગની માહિતી મળતાં જ સ્થાનિક નગરસેવક શૈલેષભાઈ રાજગોર અને પાલિકાની ફાયર બ્રિગેડની ટીમ પણ તાત્કાલિક ઘટના સ્થળે પહોંચી ગઈ હતી. દરમિયાન આસપાસના લોકો દોડી આવ્યા હતા અને ગેસ સિલિન્ડર પર કપાસની કોથળી અને પાણી નાખી આગને કાબુમાં લીધી હતી. સદનસીબે કોઈ જાનહાની થઈ ન હતી, પરંતુ આગ લાગતા લોકોના ટોળા એકઠા થઈ ગયા હતા.