ખેરાલુના મુખ્ય બજારમાં આવેલ મોબાઈલની દુકાનના ધાબા પર તસ્કરો ચઢી ગયા હતા અને દાદરના દરવાજાનું તાળું તોડી દુકાનમાં પ્રવેશી રૂ.1.95 લાખની કિંમતના 15 મોબાઈલની ચોરી કરી ગયા હતા. દુકાન માલિકની ફરિયાદના આધારે પોલીસે તપાસ હાથ ધરી છે. જેના આધારે પોલીસે તપાસની કાર્યવાહી તેજ કરી છે. ખેરાલુની બહુચર ધામ સોસાયટીમાં રહેતા દીપકકુમાર કોડુમલભાઈ લીમમાણી મુખ્ય બજારના ખારીકુઈ વિસ્તારમાં ન્યુ વર્લ્ડ ઓફ મોબાઈલ નામની દુકાન ધરાવે છે. ગત 10 જાન્યુઆરીના રોજ સવારે દીપકભાઈ દુકાન ખોલીને અંદર ગયા ત્યારે તેમની પાસે અલગ-અલગ કંપનીના 15 મોબાઈલ મળી આવ્યા ન હતા.
તેમણે દુકાનમાં તપાસ કરતાં દુકાનની ખુલ્લી છત ઉપરના દાદર પરની લોખંડની જાળી અને દરવાજાના તાળા તૂટેલા હતા. આથી તેમણે અજાણ્યા શખ્સો સામે રૂ.1.95 લાખની કિંમતના 15 મોબાઈલ ફોનની ચોરીની ફરિયાદ નોંધાવી હતી. જેના આધારે પોલીસે તપાસ શરૂ કરી છે.ખારીકુઇ વિસ્તારના લીમમાણી મુખ્ય બજારમાં ચોરો દુકાનના ધાબા પર ચઢી, દાદરના દરવાજાનું તાળું તોડી અંદર પ્રવેશી ભાગી છૂટ્યા હતા.