છેલ્લા એક સપ્તાહથી અસહ્ય ગરમી પડી રહી હતી અને લોકો ગરમીથી પરેશાન થઇ ગયા હતા, આવી સ્થિતિમાં શુક્રવારે સાંજે વાદળછાયા વાતાવરણના કારણે નીચાણવાળા વિસ્તારોમાં પાણી ભરાઇ ગયા હતા અને મોડી સાંજે દાંતા પંથકમાં વીજળીના કડાકા સાથે ધોધમાર વરસાદ શરૂ થયો હતો. . ભારે વરસાદને કારણે વાતાવરણ ઠંડુગાર બની ગયું છે.
લાંબો સમય વરસાદ અટકી જતા ખેડૂતો ચિંતામાં મુકાયા હતા પરંતુ દાંતા પંથકના ખેડૂતોએ વરસાદના લાંબા ગાળે રાહત અનુભવી છે. એક તરફ વરસાદના લાંબા વિરામના કારણે અનેક ખેડૂતોના પાક બળી ગયા છે તો બીજી તરફ બાકીના પાકને પાણી મળતા ખેડૂતોએ ખુશી વ્યક્ત કરી છે.