દાંતા રતનપુર વચ્ચેના નાળામાં મોટા પ્રમાણમાં મેડિકલ વેસ્ટનો જથ્થો મળી આવ્યો છે. ખુલ્લામાં મેડીકલ વેસ્ટનો જથ્થો મળી આવતા લોકોમાં ભારે ચર્ચા જાગી છે. જાહેર સ્થળે મેડિકલ વેસ્ટ ફેંકવાથી કોઈ ઘટના બને તો તેની જવાબદારી કોણ લેશે? દાંતા રતનપુર વચ્ચેના નાળામાં આટલો મોટો મેડિકલ વેસ્ટ કોણે ખુલ્લેઆમ ફેંક્યો તે તપાસનો વિષય બન્યો છે. જો આરોગ્ય વિભાગ સત્વરે તેની તપાસ કરી યોગ્ય કાર્યવાહી કરે તો આવી ઘટનાઓ બનતી અટકાવી શકાય તેમ છે. દાંતા વિસ્તારમાં જાહેર અને ખુલ્લા સ્થળોએ આટલો જથ્થો મેડિકલ વેસ્ટ જોવા મળે છે. આવી સ્થિતિમાં આરોગ્ય વિભાગે તાત્કાલિક તપાસ કરીને જાહેર સ્થળોએ મેડિકલ વેસ્ટ ફેંકનારાઓ સામે યોગ્ય કાર્યવાહી કરવી જોઈએ.