બનાસકાંઠા એલસીબી પીઆઈ ડી.આર.ગઢવીની સુચનાથી સ્ટાફના માણસો શનિવારે દાંતીવાડા ડીવીઝનમાં પેટ્રોલીંગમાં હતા. ત્યારે જ ASI મુકેશભાઈને બાતમી મળી હતી કે વિદેશી દારૂ ભરેલી સ્વીફ્ટ કાર દાંતીવાડા તરફ આવી રહી છે. જેથી પીએસઆઈ હે.કો દરજી કર્મચારીઓ સાથે દાંતીવાડા વોચ ગોઠવી હતી. ત્યારે પોલીસની એક કાર આવીને તેને અટકાવી કારની તલાશી લેતા કારમાંથી વિદેશી દારૂની બોટલ નંગ 60 કિંમત રૂ.38,100 મળી આવી હતી. જેથી પોલીસે વાહન ચાલક સુરેશકુમાર ભોલારામ દેવસી રહે. રાયપુરીયા રબારીયોની શેરીતા.જી. ઝાલોર (રાજસ્થાન) અને કારમાં બેઠેલી મહિલા સંગીતાબેન શંકરલાલ વિરાજી પ્રજાપતિ રહે.શિવમ આર્કેડ સોસાયટી ચાણકયપુરી ઘાટલોડિયા અમદાવાદ રહે.શિરોહી કલ્પતરુ પેલેસ સંપૂર્ણનાથ કોલોની તા.જી. શિરોહી (રાજસ્થાન)માં મુદામાલનો જથ્થો ભરીને છોટારામ ઉર્ફે સતીષ પુનમારામ દેવસી તથા ગડીમા રહે.વરદા તા.જી. શિરોહી વાળા સામે દાંતીવાડા પોલીસ સ્ટેશનમાં ગુનો નોંધી કાર, મોબાઈલ, દારૂ સહિત કુલ રૂ.3,49,530નો મુદ્દામાલ કબજે કરી વધુ તપાસ હાથ ધરી છે.