દાંતેવાડા, 27 નવેમ્બર. નક્સલીઓએ મોટી ઘટનાને અંજામ આપ્યો છે. જ્યાં રાતના અંધારામાં મોટી સંખ્યામાં નક્સલવાદીઓ પહોંચ્યા અને ભાંસીના ડામર પ્લાન્ટને આગ ચાંપી દીધી. જેમાં પ્લાન્ટની સાથે 14 વાહનો પણ બળીને રાખ થઈ ગયા હતા.
આ ઘટનાને અંજામ આપ્યા બાદ નક્સલવાદીઓ સ્થળ પરથી ફરાર થઈ ગયા હતા. આ ઘટનાથી ગ્રામજનોમાં ભયનો માહોલ છે. આ મામલો ભાંસી પોલીસ સ્ટેશન વિસ્તારનો છે. પચાસથી વધુ નક્સલવાદીઓ મોડી રાત્રે ભાંસી ડામર પ્લાન્ટ પહોંચ્યા અને તેને આગ ચાંપી દીધી.