જિલ્લા સ્વાગત કાર્યક્રમમાં રજુ થયેલ જમીન ફાળવણી, દબાણ, જમીન માપણી, સ્ટ્રીટ લાઈટ મેનેજમેન્ટને લગતા 20 પૈકી 18 પ્રશ્નોના હકારાત્મક ઉકેલ.
(GNS),તા.23
ગાંધીનગર, ગુરુવાર
23મી નવેમ્બરના રોજ જિલ્લા કલેક્ટર શ્રી હિતેશ કોયાની અધ્યક્ષતામાં ગાંધીનગર જિલ્લા સ્વાગત કાર્યક્રમનું આયોજન કરવામાં આવ્યું હતું. આ કાર્યક્રમમાં જિલ્લાના 20 પ્રશ્નો નાગરિકોએ રજૂ કર્યા હતા. જેમાંથી 18 પ્રશ્નોના હકારાત્મક ઉકેલ આવ્યા હતા. જ્યારે બે પ્રશ્નો પેન્ડીંગ હતા.
નાગરિકોના પ્રશ્નોના સરળ અને ઝડપી નિરાકરણ માટે તાલુકા, જિલ્લા અને રાજ્ય કક્ષાએ ત્રિ-સ્તરીય સ્વાગત કાર્યક્રમનું આયોજન કરવામાં આવે છે, જે અંતર્ગત નવેમ્બર મહિના માટે જિલ્લા સ્વાગત કાર્યક્રમનું આયોજન કલેક્ટર કચેરી, ગાંધીનગર ખાતે ગાંધીનગર જિલ્લાની અધ્યક્ષતામાં કરવામાં આવ્યું હતું. કલેકટર શ્રી હિતેશ કોયા. આ સ્વાગત કાર્યક્રમમાં લોકોની સમસ્યાઓને વાચા આપતા વિવિધ 20 પ્રશ્નો રજૂ કરવામાં આવ્યા હતા. જેમાં જિલ્લા સ્વાગત કાર્યક્રમમાં જમીન ફાળવણી, દબાણ, જમીન માપણી, સ્ટ્રીટ લાઈટ મેનેજમેન્ટ સહિતના પ્રશ્નો રજૂ કરાયા હતા.
આ કાર્યક્રમ બાદ જિલ્લા કલેક્ટર શ્રી હિતેશ કોયાએ સર્વે અરજદારોને સાંભળ્યા હતા. ઉઠાવવામાં આવેલ પ્રશ્ન સંદર્ભે, સંબંધિત અધિકારીઓ પાસેથી તેનો જવાબ સાંભળવામાં આવ્યો હતો. તેમજ અધિકારીઓને અરજદારોના પ્રશ્નોનું શક્ય તેટલું ઝડપથી નિરાકરણ લાવવા ભારપૂર્વક જણાવવામાં આવ્યું હતું. આ કાર્યક્રમમાં જિલ્લા વિકાસ અધિકારી શ્રી સુરભી ગૌતમ અને સંબંધિત અધિકારીઓ ઉપસ્થિત રહ્યા હતા.