સરસ્વતી બધિર એજ્યુકેશન ટ્રસ્ટ સંચાલિત બહેરા-મૂંગા શાળામાં જિલ્લા સમાજ સુરક્ષા અધિકારી ચૌધરીની અધ્યક્ષતામાં વિવિધ કાર્યક્રમોનું આયોજન કરવામાં આવ્યું હતું. જેમાં નવા પ્રવેશ પામેલા મુકબધિર બાળકોને શાળાના શિક્ષકો દ્વારા કુમકુમ તિલક કરી આવકારવામાં આવ્યા હતા. ગોપાલ ટ્રસ્ટ દ્વારા શૈક્ષણિક કીટનું પણ વિતરણ કરવામાં આવ્યું હતું. જલારામ સેવા ટ્રસ્ટ દ્વારા નોટબુક અર્પણ કરી સ્વાગત કરવામાં આવ્યું હતું.શાળા અને વિકલાંગ રોજગાર તાલીમ કેન્દ્રના તાલીમાર્થીઓને ગણવેશ દાતા નીતિનભાઈ દેસાઈ (ગુજરાત પ્રદેશ ભાજપ કારોબારી સભ્ય બક્ષી પંચ મોરચો) દ્વારા ગણવેશ અર્પણ કરવામાં આવ્યા હતા. આ પ્રસંગે રોટરી ક્લબ ઓફ પાટણના નવનિયુક્ત પ્રમુખ જુજારસિંહ સોઢા, મંત્રી વિનોદભાઈ સુથાર, ઈનાબેન દેસાઈ, સ્ટેટ એવોર્ડી સ્પેશિયલ ટીચર ઓફ ડેફ એન્ડ ડમ્બ સ્કૂલ નવરંગપુરા, અમદાવાદ અને દાતાઓનું સન્માન કરવામાં આવ્યું હતું. આ કાર્યક્રમમાં બી.ડી.હાઈસ્કૂલના આચાર્ય બળદેવભાઈ દેસાઈ, શાળાના શુભેચ્છક કીર્તિભાઈ પટેલ માનદ, બીઆરસી મીનાબેન પટેલ, સીઆરસી ભરતભાઈ દેસાઈ, જલાભાઈ, વિજય દેસાઈ, વેલીગન અને રોટરી સભ્યો, વરિષ્ઠ નાગરિકો, અધિકારીઓ ખાસ ઉપસ્થિત રહ્યા હતા.પ્રોત્સાહિત કર્યા હતા. શરૂઆતમાં તમામ મહેમાનોનું શાબ્દિક સ્વાગત કરવામાં આવ્યું હતું. ઘેમરભાઈ દેસાઈ વિદ્યાલયના પ્રિન્સિપાલે બોલી કે સાંભળી ન શકતી મૂક-બધિર છોકરીઓનો પરિચય કરાવ્યો, તેઓએ સાંકેતિક ભાષા શિક્ષિકા અનિતાબેન દવેના સહયોગથી સ્વાગત ગીત અને બાળગીત રજૂ કરી સૌને પ્રભાવિત કર્યા. માનદ મંત્રી દેવેન્દ્રભાઈ સાળવીએ સંસ્થાની પ્રવૃત્તિઓનો પરિચય આપ્યો હતો. શાળાના શિક્ષક વર્ષાબેન જોષીએ સમગ્ર કાર્યક્રમનું સંચાલન કર્યું હતું. સંસ્થાના સંયુક્ત મંત્રી કુસુમબેન ચંદારાણાના માર્ગદર્શન હેઠળ શાળાના સ્ટાફ દ્વારા કાર્યક્રમનું સુંદર આયોજન કરવામાં આવ્યું હતું. આભારવિધિ વહીવટી ફરિયાદી ઉષાબેન બુચે કરી હતી.