રાજ્ય યોગ બોર્ડ દ્વારા મંગળવારે પાટણના સરદાર પટેલ રમત ગમત સંકુલ જીમખાના ખાતે જિલ્લા કક્ષાની સૂર્ય નમસ્કાર સ્પર્ધા 2023-24નું આયોજન પાલિકા પ્રમુખ અને પ્રતિષ્ઠિત નાગરિકોની હાજરીમાં કરવામાં આવ્યું હતું.
જિલ્લા કક્ષાની સૂર્ય નમસ્કાર સ્પર્ધાના ઉદઘાટન પ્રસંગે ઉપસ્થિત પાટણ નગરપાલિકા પ્રમુખ હિરલબેન પરમારે પોતાના સંબોધનમાં જણાવ્યું હતું કે, શરીર અને મનને સ્વસ્થ અને ફિટ રાખવા માટે સૂર્ય નમસ્કારની સાથે નિયમિત કસરત પણ જરૂરી છે. તેમણે વડાપ્રધાન નરેન્દ્ર મોદી દ્વારા યોગ દિવસની ઉજવણીની પ્રશંસા કરી હતી અને સૂર્ય નમસ્કાર સ્પર્ધામાં ભાગ લેનાર તમામ સ્પર્ધકોને શુભેચ્છા પાઠવી હતી અને તમામ સ્પર્ધકોને દરરોજ સૂય નમસ્કારની સાથે યોગ કરવા અપીલ કરી હતી.