બનાસકાંઠા જિલ્લાના પાલનપુર-ડીસા હાઇવે પર આવેલા ટ્રેક્ટરના શોરૂમને રાત્રે તસ્કરોએ નિશાન બનાવ્યું હતું. તેઓ ટ્રેક્ટરના શોરૂમના કાચ તોડી અંદર પ્રવેશ્યા હતા અને અંદર રાખેલ રૂ.66 હજારની મત્તાની ચોરી કરી ત્યાંથી ફરાર થઇ ગયા હતા. શોરૂમના માલિકે સમગ્ર ઘટનાની જાણ પશ્ચિમ પોલીસ સ્ટેશનમાં કરી હતી. પોલીસે તાત્કાલિક ઘટનાસ્થળે પહોંચી તપાસ હાથ ધરી છે. આ ચોરીની સમગ્ર ઘટના સીસીટીવીમાં પણ રેકોર્ડ થઈ ગઈ છે.
બનાસકાંઠા જિલ્લાના પાલનપુર-ડીસા હાઇવે પર આવેલા ટ્રેક્ટરના શોરૂમમાં રાત્રીના સમયે તસ્કરો ઘુસ્યા હતા. શોરૂમના કાચ તોડી અંદર પ્રવેશી તસ્કરો શોરૂમની કેબીનમાં રાખેલ રૂ.66 હજારની રોકડની ચોરી કરી ગયા હતા. જે બાદ તસ્કરોએ શટર તોડીને શોરૂમમાં પડેલા ટ્રેક્ટરની ચોરી કરવાનો પ્રયાસ કર્યો હતો. સવારે શોરૂમના માલિકને ચોરીની જાણ થતાં તેણે પશ્ચિમ પોલીસને જાણ કરી હતી. પોલીસે તાત્કાલિક ઘટનાસ્થળે પહોંચીને તસ્કરોને શોધવા શો રૂમમાં લાગેલા સીસીટીવી કેમેરાના ફૂટેજ મેળવી લીધા હતા. રાત્રિના સમયે તેઓએ રૂમની પાંચ બારી તોડી દુકાનમાં પ્રવેશ કરી રોકડ રૂ. 66 હજારની ચોરી કરી હતી. શટર તોડી ટ્રેક્ટર પણ લઇ જવાનો પ્રયાસ કરાયો હતો.