પાલનપુર ગાથામણ પાટીયા પાસે દારૂ ભરેલી કારનો અકસ્માત થયો છે. દારૂ ભરેલી કારના ચાલકે સ્ટીયરીંગ પરનો કાબુ ગુમાવી દીધો હતો અને રેલ સાથે અથડાઈ હતી. જે બાદ કારમાં બેઠેલા બે લોકો કાર છોડીને ભાગી ગયા હતા. હાઇસ્પીડ કારના અકસ્માતના સીસીટીવી સામે આવ્યા છે. બનાસકાંઠા જિલ્લાના મુખ્ય મથક પાલનપુરમાં દારૂ ભરેલી કારનો અકસ્માત થયો છે. જેમાં પાલનપુર ગઠમાણ પાટિયા પાસે દારૂ ભરેલી કાર રેલીંગ સાથે અથડાતા ધડાકાભેર અથડાયો હતો. અકસ્માત બાદ કારચાલક અને તેનો મિત્ર કાર મુકીને સ્થળ પરથી ફરાર થઈ ગયા હતા. જો કે વહેલી સવારના કારણે મોટી જાનહાની ટળી હતી તે નસીબજોગ હતું. ઉલ્લેખનીય છે કે, પાલનપુર પશ્ચિમ પોલીસ સ્ટેશન વિસ્તારમાં ગઇકાલે દારૂના નશામાં ધૂત કાર ચાલકે અકસ્માત સર્જયો હતો. આજે વહેલી સવારે દારૂ ભરેલી કાર રેલિંગ સાથે અથડાતા અકસ્માત સર્જાયો હતો. સમગ્ર ઘટનાના CCTV ફૂટેજ સામે આવ્યા છે. સીસીટીવી ફૂટેજમાં જોવા મળે છે કે સ્પીડમાં આવતી કાર રેલ સાથે અથડાય છે અને રસ્તા પર ધૂળ ઉડવા લાગે છે, ત્યારબાદ ડ્રાઈવર અને તેનો મિત્ર કારમાંથી બહાર નીકળીને સ્થળ પરથી ભાગી જાય છે. જો કે, સ્થાનિક લોકો દ્વારા જાણ કરવામાં આવતા, પશ્ચિમ પોલીસ તાત્કાલિક સ્થળ પર પહોંચી હતી અને તપાસ કારમાંથી દારૂ મળી આવ્યો હતો. પોલીસે આ મામલે ગુનો નોંધી વધુ તપાસ હાથ ધરી છે.