કોંગ્રેસના પ્રભારી મુકુલ વાસનિકની ગુજરાત મુલાકાતો વધી રહી છે. ગુજરાત કોંગ્રેસના પ્રભારી મુકુલ વાસનિકે ગુજરાત કોંગ્રેસના વરિષ્ઠ નેતાઓ અને જિલ્લા પ્રમુખ સાથે મેરેથોન બેઠક યોજી હતી.
લોકસભાની ચૂંટણીને ધ્યાનમાં રાખીને ગુજરાત કોંગ્રેસે અત્યારથી જ તૈયારીઓ શરૂ કરી દીધી છે. કોંગ્રેસના પ્રભારી મુકુલ વાસનિકની ગુજરાત મુલાકાતો વધી રહી છે. ગુજરાત કોંગ્રેસના પ્રભારી મુકુલ વાસનિકે ગુજરાત કોંગ્રેસના વરિષ્ઠ નેતાઓ અને જિલ્લા પ્રમુખ સાથે મેરેથોન બેઠક યોજી હતી. પ્રભારી મુકુલ વાસનિકે આગેવાનોને કડક સૂચના આપી હતી કે કોંગ્રેસનું બાકી રહેલું સંગઠનાત્મક કામ આગામી નવરાત્રિ પહેલા પૂર્ણ કરી લેવામાં આવે. બાકી સંગઠન અને તાલુકા અને જિલ્લા કક્ષાએ સંગઠનમાં ફેરફાર તાત્કાલિક કરવામાં આવે અને કોંગ્રેસના નેતાઓને લોકસભાની ચૂંટણીની જવાબદારી સોંપવામાં આવે.
કોંગ્રેસ પ્રભારીએ કોંગ્રેસ કાર્યાલયમાં કોંગ્રેસના વરિષ્ઠ નેતાઓ સાથે મેરેથોન બેઠક યોજી હતી. આ બેઠકમાં પૂર્વ પ્રદેશ પ્રમુખ અને પૂર્વ વિપક્ષી નેતા હાજર રહ્યા હતા. પ્રભારીએ લોકસભાની ચૂંટણીને લઈને તમામ વરિષ્ઠ નેતાઓ પાસેથી અભિપ્રાય માંગ્યો હતો. આ ઉપરાંત નેતાઓએ સ્પષ્ટ કર્યું કે ચૂંટણી પહેલા સંગઠનની નબળી કડીઓ મજબુત કરવી જોઈએ. આગામી નવરાત્રિ પહેલા કોંગ્રેસે તાલુકા કક્ષાએ, જિલ્લા કક્ષાએ અને રાજ્ય કક્ષાએ પોતાનું નવું સંગઠન તૈયાર કરી નવા લોકોને જવાબદારી સોંપવી જોઈએ. આ ઉપરાંત પૂર્વ પ્રદેશ પ્રમુખમાંથી એક-એક નેતાને ચાર લોકસભાની જવાબદારી સોંપવામાં આવી છે. લોકસભામાં શું મુદ્દાઓ છે, લોકસભામાં સંગઠનાત્મક સ્થિતિ શું છે. દરેક માટે રિપોર્ટર તૈયાર કરવા પણ સૂચના આપવામાં આવી હતી.
આ ઉપરાંત કોંગ્રેસમાં નવા યુવા ચહેરાઓને સ્થાન આપવા પર ભાર મૂકવામાં આવ્યો હતો. ખાસ કરીને યુથ કોંગ્રેસમાંથી આવતા આગેવાનોને સંગઠનમાં પ્રાધાન્ય મળવું જોઈએ અને પક્ષની મોટી જવાબદારી મળવી જોઈએ તેમ જણાવાયું હતું. આ ઉપરાંત વરિષ્ઠ નેતાઓની સાથે 50 વર્ષથી નીચેના લોકોને પણ મોટી જવાબદારીઓ સોંપવા સૂચના આપવામાં આવી હતી. જેથી કોંગ્રેસમાં વરિષ્ઠ નેતાઓ સાથે નવી પેઢી તૈયાર કરી શકાય. યુવાનોની ભાગીદારી વધારવા પર વિશેષ ભાર મૂકવામાં આવ્યો હતો. સંગઠનમાં પણ યુવાનોને તેમની શક્તિ પ્રમાણે જવાબદારી સોંપવી જોઈએ.
કોંગ્રેસના પ્રવક્તા ડો. મનીષ દોશીએ જણાવ્યું હતું કે રાજ્યની વર્તમાન પરિસ્થિતિ અને લોકસભાની ચૂંટણી અંગે ચર્ચા કરવામાં આવી હતી. આગામી લોકસભાની ચૂંટણીને લઈને વરિષ્ઠ નેતાઓએ પોતાના સૂચનો રજૂ કર્યા છે. શહેર અને જિલ્લા પ્રમુખો સાથે પ્રભારીઓ, પ્રદેશ પ્રમુખો અને કાર્યકારી પ્રમુખો સાથે સંવાદ બેઠક યોજાઈ હતી. બેઠકમાં આગામી નગરપાલિકાની ચૂંટણી અને લોકસભાની ચૂંટણી પૂર્વે સંગઠનને વધુ મજબૂત કરવા અંગે ચર્ચા કરવામાં આવી હતી અને લોકસભાની ચૂંટણી પૂર્વે જિલ્લા અને શહેરમાં સોંપવામાં આવેલી કામગીરીની વિગતો માંગવામાં આવી હતી.