પાટણના કાકોશી બાદ વધુ એક અનુસૂચિત જાતિના યુવકની હત્યા કરવામાં આવી છે. મહીસાગરના લીમડીયા ગામમાં ખાવાના મુદ્દે થયેલા ઝઘડામાં ઘાયલ યુવકનું મોત થયું છે. વડોદરાની સયાજી હોસ્પિટલમાં સારવાર દરમિયાન યુવકનું મોત નીપજ્યું હતું. ઘટનાની વાત કરીએ તો લીમડીયા ગામમાં ખાવા જેવી નજીવી બાબતે ઝઘડો થયો હતો. જેમાં એક યુવકને ઢોર માર મારવામાં આવ્યો હતો.
આ લડાઈમાં અમિત પટેલ નામનો યુવક ગંભીર રીતે ઘાયલ થયો હતો. તેને સારવાર માટે સયાજી હોસ્પિટલમાં લઈ જવામાં આવ્યો હતો. જ્યાં તેનું સારવાર દરમિયાન આખરે મોત નિપજ્યું હતું. બીજી તરફ યુવકના મોત બાદ તેના સમાજમાં ભારે રોષ જોવા મળી રહ્યો છે. ધારાસભ્ય જીજ્ઞેશ મેવાણી સહિતના આગેવાનો હોસ્પિટલ પહોંચ્યા હતા અને જ્યાં સુધી આરોપીની ધરપકડ ન થાય ત્યાં સુધી મૃતદેહ લેવાનો ઈન્કાર કર્યો હતો. આ કેસમાં પોલીસે બે આરોપીઓની પણ અટકાયત કરી છે.