છાતીમાં દુ:ખાવો ઉપડતાં તેને સારવાર માટે સિવિલ હોસ્પિટલમાં દાખલ કરવામાં આવ્યો હતો.
રાજકોટમાં એક જ દિવસમાં ત્રણ યુવાનોના હાર્ટ એટેકના કારણે મોત થયા છે. આ યુવકોને છાતીમાં દુ:ખાવો થતાં સારવાર માટે સિવિલ હોસ્પિટલમાં દાખલ કરવામાં આવ્યા હતા. મૃતક યુવકોમાં એક 26 વર્ષનો છે, બીજાની ઉંમર 40 વર્ષ છે, જ્યારે અન્ય 41 વર્ષીય યુવકનું હાર્ટ એટેકથી મોત થયું છે.
કિશન ધાબેલિયા, રાજેન્દ્રસિંહ વાળા અને મહેન્દ્ર પરમાર નામના યુવકોના મોત થયા છે. એક જ દિવસમાં ત્રણ યુવકોના હાર્ટ એટેકથી મોત થયા છે. રાજકોટના રૈયા રોડ પર આવેલા હનુમાન મઢી વિસ્તારમાં હાર્ટ એટેકથી મોતનો પહેલો કિસ્સો સામે આવ્યો છે. અહીંની તિરુપતિ સોસાયટીમાં રહેતા કિશન ધાબલિયા નામના 26 વર્ષીય યુવકને છાતીમાં દુ:ખાવો ઉપડતાં સિવિલ હોસ્પિટલમાં લઈ જવામાં આવ્યો હતો, પરંતુ સારવાર મળે તે પહેલાં તેનું મોત નીપજ્યું હતું.
કાલાવડ રોડ પર અવધ હાઉસિંગ સોસાયટીમાં રહેતા મહેન્દ્ર પરમાર નામના 21 વર્ષીય યુવકનું પણ હાર્ટ એટેકથી મોત થયું હતું. મહેન્દ્રને છાતીમાં દુ:ખાવો ઉપડતાં મંગળવારે રાત્રે સિવિલમાં લઇ જવાયો હતો. રાજકોટના કોઠારિયા રોડ વિસ્તારમાં રહેતા રાજેન્દ્રસિંહ વાલા નામના 40 વર્ષના વૃદ્ધનું મોત થયું હતું. સવારે છાતીમાં દુ:ખાવો ઉપડતા રાજેન્દ્રસિંહને પણ બેભાન અવસ્થામાં ખાનગી હોસ્પિટલમાં અને ત્યાંથી સિવિલમાં લઈ જવાયા હતા. પરંતુ, સિવિલના તબીબોએ તેને મૃત જાહેર કર્યો હતો.