રાજકોટ જિલ્લાના હાઇવે પર 120 કિમી/કલાકની ઝડપે એટલે કે ઓવરસ્પીડથી વાહન ચલાવતા વાહન માલિકો સામે જિલ્લા આરટીઓ તંત્ર દ્વારા કડક અને શિક્ષાત્મક કાર્યવાહી હાથ ધરવામાં આવી છે.
રાજકોટ જીલ્લા આરટીઓ વિભાગના સુત્રો પાસેથી પ્રાપ્ત થતી વધુ માહિતી મુજબ આરટીઓ તંત્રની ટીમોએ રાજકોટ-અમદાવાદ હાઈવે પર ખાસ કરીને બામણબોર પાસે સમયાંતરે સઘન ચેકીંગ ઝુંબેશ હાથ ધરી હતી.
આ ચેકિંગ દરમિયાન 192 જેટલા વાહનો ઓવરસ્પીડમાં દોડતા જોવા મળ્યા હતા. ખાસ કરીને કાર ચાલકો ઓવર સ્પીડમાં વાહન ચલાવતા જોવા મળ્યા હતા.
મોટાભાગના કિસ્સાઓમાં 120 કિ.મી. ચેકિંગ દરમિયાન વાહનો વધુ ઝડપે હંકારી રહ્યા હોવાનું જાણવા મળ્યું હતું. આવી સ્થિતિમાં ઓવર સ્પીડમાં વાહન ચલાવતા વાહનમાલિકો પાસેથી રૂ.3.84 લાખનો દંડ વસૂલવામાં આવ્યો હોવાનું પણ જિલ્લા આરટીઓ વિભાગના સૂત્રોમાંથી જાણવા મળ્યું છે. વધુ માહિતી અનુસાર ચાલુ માસ દરમિયાન પણ આરટીઓની ચેકીંગ ટીમોએ ઓવરસ્પીડમાં દોડતા 27 વાહનો સામે કેસ નોંધ્યા છે.