રાજ્યમાં પડેલા વરસાદના પરિણામે ચાલુ સિઝનનો કુલ સરેરાશ વરસાદ 80.69 ટકા નોંધાયો છે.
રાજ્યના સ્ટેટ ઇમરજન્સી ઓપરેશન સેન્ટર દ્વારા પ્રાપ્ત અહેવાલ મુજબ રાજ્યમાં વરસાદના પરિણામે ચાલુ સિઝનનો કુલ સરેરાશ વરસાદ 80.69 ટકા નોંધાયો છે. રાજ્યની મહત્વની 207 જળ યોજનાઓમાં 74.24 ટકા જળસંગ્રહ થયો છે. જેમાં 2,58,797 એમ.સી.એફ.ટી. કુલ પાણી સંગ્રહ ક્ષમતાના 77.47 ટકા સંગ્રહ થયો છે.
રાજ્યમાં સાર્વત્રિક વરસાદના પરિણામે 100 ટકાથી વધુ જળસંગ્રહ ધરાવતા 64 જળાશયો અને 90 ટકાથી 100 ટકા પાણી સંગ્રહ ધરાવતા 31 જળાશયો મળીને કુલ 95 જળાશયો હાઇ એલર્ટ પર છે. જ્યારે 80 ટકાથી 90 ટકા પાણીનો સંગ્રહ ધરાવતા 25 જળાશયો એલર્ટ પર છે અને 70 ટકાથી 80 ટકા પાણીનો સંગ્રહ ધરાવતા 14 જળાશયોને સામાન્ય એલર્ટ આપવામાં આવ્યા છે.
સિઝનનો સૌથી વધુ સરેરાશ વરસાદ કચ્છ પ્રદેશમાં 136.06 ટકા, સૌરાષ્ટ્રમાં 109.72 ટકા, ઉત્તર ગુજરાતમાં 67.25 ટકા, દક્ષિણ ગુજરાતમાં 71.67 ટકા, પૂર્વ મધ્ય ગુજરાતમાં 64.98 ટકા છે. ઉત્તર ગુજરાતના 15 જળાશયોમાં 73.25 ટકા, મધ્ય ગુજરાતના 17 જળાશયોમાં 49.48 ટકા, દક્ષિણ ગુજરાતના 13 જળાશયોમાં 75.06 ટકા, કચ્છ વિસ્તારના 20 જળાશયોમાં 65.68 ટકા અને 141 સૈરરાષ્ટ્રીય જળાશયોમાં 83.86 ટકા પાણી છે.