ભારતની અધ્યક્ષતામાં આયોજિત G20 સમિટના ભાગરૂપે, વિવિધ દેશોના 26 મીડિયા પ્રતિનિધિઓએ દેશના પ્રથમ સૌર ગામ મોઢેરા હેઠળના સોલાર પ્લાન્ટ સુજાનપુર અને સૂર્ય મંદિર મોઢેરાની મુલાકાત લીધી હતી. સુજાનપુરમાં ભારતીય પરંપરા મુજબ મીડિયાના પ્રતિનિધિઓનું સ્વાગત કરવામાં આવ્યું હતું. આ ઉપરાંત મીડિયા ડેલિગેશનને વિડીયો પ્રેઝન્ટેશન દ્વારા સોલાર પ્લાન્ટ સુજાનપુર વિશે વિશેષ માહિતી આપવામાં આવી હતી. અત્રે જણાવી દઈએ કે સૂર્ય મંદિર માટે પ્રખ્યાત મોઢેરા હવે સોલર પાવર્ડ વિલેજ તરીકે ઓળખાય છે. વડા પ્રધાન નરેન્દ્ર મોદીએ મોઢેરાને ભારતના પ્રથમ રાઉન્ડ ધ ક્લોક (24×7) BESS સૌર ઊર્જા સંચાલિત ગામ તરીકે ઉદ્ઘાટન કર્યું.