સુરતઃ સુરતની ખટોદરા પોલીસે રાજસ્થાનની એક ટોળકીનો પર્દાફાશ કર્યો છે, જે મોંઘીદાટ સ્પોર્ટ્સ બાઇકની ચોરી કરતી હતી. આ ગુનામાં પોલીસે એક સગીર સહિત 4 લોકોની ધરપકડ કરી છે તેમજ 3 ચોરીની સ્પોર્ટ્સ બાઇક કબજે કરી 3 ગુનાનો ભેદ ઉકેલ્યો છે.
ખટોદરા પોલીસ સ્ટાફે હત્યા અંગે પેટ્રોલિંગ દરમિયાન મળેલી બાતમીના આધારે એક સગીર સાથે અનિલ ઉર્ફે અણીયા, ધનેશ્વર ઉર્ફે ધનજી નિનામા, અનિલ ઉર્ફે ભૈયા નરપત નિનામા અને કલ્પેશ બહાદુર નિનામાની ધરપકડ કરી હતી.
પોલીસે ખટોદરા પોલીસ મથકમાં નોંધાયેલા 3 ગુનાનો ભેદ ઉકેલી આરોપીઓ પાસેથી ચોરીની 3 બાઇક કબજે કરી છે. પ્રાથમિક તપાસમાં જાણવા મળ્યું છે કે આરોપીઓ માત્ર પોતાનો શોખ પૂરો કરવા માટે મોંઘી સ્પોર્ટ્સ બાઇકની ચોરી કરતા હતા. બીજી તરફ આરોપીઓમાં કલ્પેશ નિનામા છેલ્લા એક વર્ષથી ચોરીના ગુનામાં ફરાર હતો. હાલ પોલીસે સમગ્ર મામલાની ઝીણવટભરી તપાસ હાથ ધરી છે.