સુરતના ડિંડોલીમાં બર્થડે પાર્ટી પર પોલીસે દરોડો પાડ્યો હતો. રાજમહેલ શોપિંગ મોલના પહેલા માળે આવેલી દુકાનમાં પોલીસે કાર્યવાહી કરી હતી. માહિતીના આધારે પોલીસે દરોડો પાડી 20 લોકોની અટકાયત કરી હતી.
સુરતના ડિંડોલીમાં બર્થડે પાર્ટી પર પોલીસે દરોડો પાડ્યો હતો. રાજમહેલ શોપિંગ મોલના પહેલા માળે આવેલી દુકાનમાં પોલીસે કાર્યવાહી કરી હતી. માહિતીના આધારે પોલીસે દરોડો પાડી 20 લોકોની અટકાયત કરી હતી. સ્થળ પરથી વિદેશી દારૂ ભરેલી 3 બોટલ અને 2 ખાલી બોટલો મળી આવી હતી. નશાની હાલતમાં જણાતા તમામની મેડિકલ તપાસ કરાવવાના પ્રયાસો હાથ ધરવામાં આવ્યા છે. અનુરાગ શુક્લા નામના યુવકનો જન્મદિવસ હોવાનું બહાર આવ્યું છે. પાર્ટીમાંથી પકડાયેલા 20 લોકોમાંથી એકની હાલત ખરાબ થઈ ગઈ છે. તબિયત બગડવાને કારણે એમ્બ્યુલન્સ બોલાવવી પડી. અને તેને સારવાર માટે હોસ્પિટલમાં ખસેડવામાં આવ્યો છે. જાણવા મળ્યું છે કે 31 વર્ષીય વિનય રવિશંકર પાંડેની તબિયત લથડી છે.
આ ઉપરાંત પોલીસે સ્થળ પરથી વિદેશી દારૂ ભરેલી ત્રણ બોટલ સહિત બે ખાલી બોટલો પણ મળી આવી હતી. પકડાયેલા લોકોમાંથી કેટલા નશો કરે છે તે મેડિકલ તપાસ બાદ બહાર આવશે. આ અંગે ડીંડોલી પોલીસે આગળની કાર્યવાહી હાથ ધરી છે.