સુરત મહાનગર પાલિકા દ્વારા સંચાલિત સિટી બસનું ભાડું રૂ.1 થી વધીને રૂ.5 થયું છે. 38મી બોર્ડ મિટિંગમાં ભાવ વધારવાનો નિર્ણય લેવામાં આવ્યો છે. આ નવો ભાવ વધારો આજથી અમલમાં આવશે
સુરત મહાનગર પાલિકા દ્વારા સંચાલિત સિટી બસનું ભાડું રૂ.1 થી વધીને રૂ.5 થયું છે. 38મી બોર્ડ મિટિંગમાં ભાવ વધારવાનો નિર્ણય લેવામાં આવ્યો છે. આ નવો ભાવ વધારો આજથી અમલમાં આવ્યો છે. આ ઉપરાંત બીઆરટીએસ બસ સ્ટેન્ડ પર નવા ભાડા વધારાના બેનરો પણ લગાવવામાં આવ્યા છે. સુરત મહાનગરપાલિકા જાહેર પરિવહન સેવા હેઠળ સુરત શહેર અને આસપાસના વિસ્તારોના નાગરિકોને રાહત દરે BRTS અને CTBusની સુવિધા પૂરી પાડી રહી છે.
સમગ્ર ભારતમાં સુરત શહેર એકમાત્ર શહેર છે. જ્યાં એક ટિકિટ સિટીબસ અને બીઆરટીએસમાં મુસાફરી કરી શકશે. હાલમાં, બીઆરટીએસના કુલ 13 રૂટ અને સિટી બસના 45 રૂટ પર દરરોજ આશરે 2,50,000 નાગરિકો જાહેર પરિવહન સેવાઓનો લાભ લઈ રહ્યા છે.
સુરત સિટીલિંક લિમિટેડની 38મી બોર્ડ મીટિંગ 18 ઓગસ્ટના રોજ મળી હતી. આ બોર્ડ મીટીંગમાં સુરત મહાનગરપાલિકા દ્વારા સંચાલિત જાહેર પરિવહન સેવામાં નવું માળખું અમલમાં મૂકવાની મંજૂરી આપવામાં આવી છે. હાલમાં, જાહેર પરિવહન સેવાઓમાં અમર્યાદિત મુસાફરી માટે લઘુત્તમ ભાડું 4 રૂપિયા અને મહત્તમ ભાડું 22 રૂપિયા અને સુમન યાત્રાનું ભાડું 25 રૂપિયા લાગુ કરવામાં આવ્યું છે.