ભોપાલ આ વખતે જ્યારે ભાજપે મધ્યપ્રદેશ વિધાનસભા ચૂંટણી 2023માં કેન્દ્રીય મંત્રીઓ અને સાંસદોને મેદાનમાં ઉતાર્યા તો તેનો ફાયદો પણ પાર્ટીને થયો. જો કે એક કેન્દ્રીય મંત્રી અને એક સાંસદ ચૂંટણી જીતી શક્યા નથી. કેન્દ્રીય મંત્રી ફગ્ગનસિંહ કુલસ્તે 9723 મતોથી હારી ગયા.સતનાના સાંસદ ગણેશ સિંહ પણ ચૂંટણી જીતી શક્યા નહીં. કેન્દ્રીય કૃષિ પ્રધાન નરેન્દ્ર સિંહ તોમરને મોરેના જિલ્લાની દિમાની બેઠક પરથી મેદાનમાં ઉતારવાનું પરિણામ એ આવ્યું કે ગ્વાલિયર-ચંબલમાં ભાજપને મોટી સફળતા મળી. કેન્દ્રીય મંત્રી પ્રહલાદ પટેલે માત્ર વિજય જ નોંધાવ્યો ન હતો પરંતુ નરસિંહપુર જિલ્લાને કોંગ્રેસ મુક્ત પણ કર્યો હતો. જબલપુર પશ્ચિમ બેઠક પરથી સાંસદ રાકેશ સિંહે કોંગ્રેસના તરુણ ભનોતને હરાવ્યા હતા. સાંસદ રીતિ પાઠક સીધીથી અને રાવ ઉદયપ્રતાપ સિંહ ગદરવારા બેઠક પરથી જીત્યા. બીજેપીના રાષ્ટ્રીય મહાસચિવ કૈલાશ વિજયવર્ગીય પણ ઈન્દોર-1 વિધાનસભા બેઠક પરથી વિજયી બન્યા છે.