હેમિલ્ટન
ડેન પીડટની શાનદાર બોલિંગના આધારે દક્ષિણ આફ્રિકાએ સેડન પાર્ક, હેમિલ્ટનમાં રમાઈ રહેલી બીજી ટેસ્ટ મેચના બીજા દિવસે પ્રથમ દાવમાં ન્યૂઝીલેન્ડને 211 રનમાં ઓલઆઉટ કરી દીધું. આ સાથે દક્ષિણ આફ્રિકાએ પ્રથમ દાવમાં 31 રનની લીડ મેળવી લીધી છે.
4 વર્ષ બાદ ટેસ્ટ ટીમમાં વાપસી કરનાર પીડટે 32.2 ઓવરમાં 89 રન આપીને 5 વિકેટ ઝડપી હતી. આ સિવાય ડેન પેટરસને 3 અને ત્સેપો મોરેકીએ 1 વિકેટ લીધી હતી.
ન્યૂઝીલેન્ડ તરફથી કેન વિલિયમસને પ્રથમ દાવમાં સૌથી વધુ 43 રન બનાવ્યા હતા. ટોમ લાથમે 40 રન, વિલ યંગે 36 રન અને દસમા નંબરે બેટિંગ કરવા આવેલા નીલ વેગનરે 27 બોલમાં 33 રનની વિસ્ફોટક ઇનિંગ રમી હતી. ટીમના પાંચ ખેલાડીઓ ડબલ ફિગર સુધી પહોંચી શક્યા ન હતા.
સાઉથ આફ્રિકાની ટીમ બીજા દિવસે 6 વિકેટના નુકસાન પર 220 રનની લીડ સાથે રમતમાં આવી હતી. જે બાદ છેલ્લી 4 વિકેટ માત્ર 22 રનમાં પડી ગઈ અને દક્ષિણ આફ્રિકાએ 242 રન બનાવી લીધા. રુઆન ડી સ્વર્ડે 64 રન, ડેવિડ બેડિંગહામે 39 રન અને શોન વોન બર્ગે 38 રન બનાવ્યા હતા.
ન્યૂઝીલેન્ડ તરફથી ડેબ્યૂમાં જ ધમાકેદાર દેખાવ કરતાં વિલિયમ ઓ’રર્કે 4 વિકેટ, રચિન રવિન્દ્રએ 3 વિકેટ, નીલ વેગનર, મેટ હેનરી અને કેપ્ટન ટિમ સાઉથીએ 1-1 વિકેટ લીધી હતી.