દરેક વિભાગની સ્થાપનાની યાદમાં એક ખાસ દિવસ ઉજવવામાં આવે છે. તેથી આજે 6ઠ્ઠી ડિસેમ્બર હોમગાર્ડનો સ્થાપના દિવસ છે. જેની ઉજવણી નિમિત્તે મોડાસા શહેરમાં રેલીનું આયોજન કરવામાં આવ્યું હતું.
આજે 6 ડિસેમ્બર, હોમગાર્ડનો સ્થાપના દિવસ છે. આજે ગુજરાતમાં પોલીસની સાથે સુરક્ષા માટે હોમગાર્ડ યુનિટની શરૂઆત કરવામાં આવી હતી અને આજથી હોમગાર્ડ કમાન્ડર જાહેર સુરક્ષા માટે સેવામાં જોડાયા હતા. આજના સ્થાપના દિનની ઉજવણી નિમિત્તે મોડાસા શહેરમાં સરકારી યોજનાઓના હોર્ડિંગ્સ સાથેની પરેડ સહિતની રેલીનું આયોજન કરવામાં આવ્યું હતું. આ રેલીમાં હોમગાર્ડના પીઆઈ કમાન્ડીંગ ઓફિસર સહિત મોટી સંખ્યામાં હોમગાર્ડ જવાનોએ ભાગ લીધો હતો. આજનો દિવસ નાગરિક સંરક્ષણ દિવસ તરીકે પણ ઉજવવામાં આવે છે. લોકોમાં સલામતી અંગે જાગૃતિ લાવવા માટે એક કાર્યક્રમનું પણ આયોજન કરવામાં આવ્યું હતું.