(GNS) તા. 26
ગાંધીનગર,
આજે ગાંધીનગર મહાનગરપાલિકા ખાતે માનનીય મેયર શ્રી હિતેશભાઈ મકવાણાની વિશેષ ઉપસ્થિતિમાં 75માં પ્રજાસત્તાક દિનની ઉજવણી કરવામાં આવી હતી અને મેયરના હસ્તે ધ્વજવંદન કરવામાં આવ્યું હતું. આ પ્રસંગે ગાંધીનગર મહાનગરપાલિકાના ડેપ્યુટી મેયર શ્રી પ્રેમલસિંહ ગોલ, ધારાસભ્ય શ્રી રીટાબેન પટેલ અને મહાનુભાવો ઉપસ્થિત રહ્યા હતા.
આ પ્રસંગે જીએમસીના મેયરે જણાવ્યું હતું કે લોકશાહીના આ શુભ અવસર પર હું દેશની એકતા અને અખંડિતતા માટે બલિદાન આપનાર તમામ સ્વાતંત્ર્ય સેનાનીઓ, બંધારણ ઘડનારાઓ અને સૈનિકોને વંદન કરું છું. આવો, આઝાદીના અમૃતમાં, આપણે સૌ વિકસિત ગુજરાતમાંથી વિકસિત ભારતનું નિર્માણ કરવાનો સંકલ્પ કરીએ.