અમેરિકાના પેન્સિલવેનિયા રાજ્યના બે ભાઈઓ ભાસ્કર સવાણી અને અરુણ સવાણીને એક મોટા સંગઠિત અપરાધ (રેકેટિંગ) અને બહુવિધ રાજ્યોમાં ફેલાયેલા બહુવિધ છેતરપિંડીના કેસમાં દોષિત ઠેરવવામાં આવ્યા છે. ભાસ્કર સવાણી વ્યવસાયે ડેન્ટિસ્ટ છે. બંનેએ સાથે મળીને ‘સવાણી ગ્રુપ’ની સ્થાપના કરી હતી, જેના દ્વારા તેઓએ ઘણી છેતરપિંડીવાળી યોજનાઓ ચલાવી હતી અને કરોડો ડોલરની ગેરકાયદેસર સંપત્તિઓ એકઠી કરી હતી. હવે તેમના પર 400 વર્ષથી વધુ જેલની તલવાર લટકી રહી છે.
સજા અને સહ-આરોપી
સવાણી ભાઈઓઆ ગંભીર ગુનાઓ માટે ભાસ્કર સવાણીને વધુમાં વધુ 420 વર્ષની જેલની સજા અને અરુણ સવાણીને વધુમાં વધુ 415 વર્ષની જેલની સજા થઈ શકે છે. તેમની સજા અંગેનો નિર્ણય જુલાઈ 2026માં સંભળાવવામાં આવશે.
સહ-આરોપી: ભાઈઓના એક સહયોગી એલેકસાન્ડ્રા રાડોમિઆકને પણ આ કેસમાં દોષિત ઠેરવવામાં આવ્યો છે. તેને 40 વર્ષ સુધીની જેલની સજા અને ભારે દંડ થઈ શકે છે.
કાશ પટેલ સાથે જોડાયેલી રસપ્રદ ઘટના
આ કેસનું એક ખૂબ જ રસપ્રદ પાસું એ છે કે સવાણી ભાઈઓ એફબીઆઈના ડાયરેક્ટર કાશ પટેલ સાથેની તેમની મીટિંગ વિશે સોશિયલ મીડિયા પર બડાઈ મારતા હતા અને તેમની સાથેની તસવીરો પણ પોસ્ટ કરતા હતા. કાશ પટેલ એફબીઆઈના ડાયરેક્ટર બન્યા ત્યારે પણ આ ભાઈઓએ તેની ઉજવણી પણ કરી હતી. આશ્ચર્યની વાત એ છે કે તે સમયે તે પોતે એફબીઆઈના રડાર પર હતો અને વર્ષ 2023માં જ તેની સામે આરોપો ઘડવામાં આવ્યા હતા.
છેતરપિંડીની મુખ્ય પદ્ધતિઓ
યુએસ ડિપાર્ટમેન્ટ ઓફ જસ્ટિસ (DOJ) અનુસાર, સવાણી ગ્રુપે અનેક રીતે છેતરપિંડી આચરી હતી.
