રણબીર કપૂરની મોસ્ટ અવેઈટેડ ફિલ્મ ‘રામાયણ’ની પહેલી ઝલક ગુરુવારે (2 એપ્રિલ) બધાની સામે જોવા મળશે. આ દરમિયાન શાહરૂખ ખાનનો એક જૂનો વીડિયો વાયરલ થઈ રહ્યો છે જેમાં તે કહી રહ્યો છે કે હોલીવુડનો એક ફિલ્મમેકર તેની પાસે હનુમાનનું પાત્ર ભજવવાની ઓફર લઈને આવ્યો હતો. જોકે, તેણે આ ઓફર સ્વીકારી ન હતી. તેણે તે વીડિયોમાં તેની પાછળનું કારણ પણ જણાવ્યું છે.
શાહરૂખે શું કહ્યું?
આ વાયરલ વીડિયો વર્ષ 2011નો છે. તે સમયે શાહરૂખ તેની એક્શન થ્રિલર ફિલ્મ ‘રા.વન’નું પ્રમોશન કરી રહ્યો હતો. તે દરમિયાન ફિલ્મ સમીક્ષક તરણ આદર્શે શાહરૂખ ખાનને સુપરહીરો સાથે સંબંધિત એક પ્રશ્ન પૂછ્યો હતો. શાહરૂખે આ સવાલના જવાબમાં કહ્યું હતું કે, ‘ઘણા વર્ષો પહેલા હોલીવુડના ડાયરેક્ટર ટોની સ્કોટ (ટોપ ગનના ડિરેક્ટર)એ તેમની એક ફિલ્મનો કોન્સેપ્ટ મારી સાથે શેર કર્યો હતો. જ્યારે કોઈ સુપરમેન નહોતો, બેટમેન નહોતો. તે સમયે ભગવાન હનુમાન એકમાત્ર સુપરહીરો હતા, તેથી તેઓ તેમની ફિલ્મમાં ભગવાન હનુમાનને સુપરમેન જેવા બતાવવા માંગતા હતા. તેમનો ખ્યાલ એવો હતો કે જ્યારે ભગવાન હનુમાન યુદ્ધ કરવા જાય છે ત્યારે જ તેમની પૂંછડી બહાર આવે છે.
શાહરુખે ઓફર કેમ નકારી?
ઑફર નકારવા પાછળનું કારણ જણાવતાં શાહરુખે કહ્યું હતું કે, ‘આ હમણાંની વાત નથી. આ ઘણા સમય પહેલાની વાત છે અને તે સમયે મારું અંગ્રેજી સારું નહોતું. જો તેણે મને મૂંગા વ્યક્તિ (જે બોલી શકતો નથી)નો રોલ આપ્યો હોત તો કદાચ મેં તે કર્યું હોત.
શાહરુખે ઓફર કેમ નકારી?
ઑફર નકારવા પાછળનું કારણ જણાવતાં શાહરુખે કહ્યું હતું કે, ‘આ હમણાંની વાત નથી. આ ઘણા સમય પહેલાની વાત છે અને તે સમયે મારું અંગ્રેજી સારું નહોતું. જો તેણે મને મૂંગા વ્યક્તિ (જે બોલી શકતો નથી)નો રોલ આપ્યો હોત તો કદાચ મેં તે કર્યું હોત.
શાહરુખની ઈચ્છા
પોતાની ઈચ્છા વ્યક્ત કરતાં શાહરૂખે આગળ કહ્યું હતું કે, ‘મને લાગે છે કે જો મને રા.વન પછી તક મળે તો મારે મહાભારતને એક્સ-મેન જેવું બનાવવું જોઈએ. હું જાણું છું કે જો મેં આવું કર્યું તો ઘણા લોકો મારાથી નારાજ થશે. ફિલ્મ પર પણ પ્રતિબંધ લગાવશે. પરંતુ, હું ઈચ્છું છું કે આવનારી પેઢી આપણા ભગવાનને સુપરહીરો તરીકે જુએ. એક રીતે મારી ફિલ્મ રા.વન પણ રામાયણ પર આધારિત છે. આમાં રા.વન ભગવાન રામ અને ગો.વન રાવણ છે. હવે જ્યારે હું બાળકોને કહું છું કે Ra.One ભગવાન રામ સમાન છે, ત્યારે તેઓ તેના વિશે વાંચશે. આપણો ઇતિહાસ જાણશે.
