ગુલશન કુમારના નાના ભાઈનું નિધન, 70 વર્ષની વયે લીધા અંતિમ શ્વાસ

ગુલશન કુમારના નાના ભાઈ દર્શન કુમારનું 18 એપ્રિલે દિલ્હીમાં અવસાન થયું હતું.દર્શન કુમારના નિધનથી સંગીત જગતમાં શોકનો માહોલ છે. દર્શન કુમારના નિધનના સમાચારની પુષ્ટિ ગાયક મીકા સિંહે કરી છે. મિકા સિંહે ઈન્સ્ટાગ્રામ પર પોસ્ટ શેર કરીને દર્શન કુમારને શ્રદ્ધાંજલિ આપી છે. દર્શન કુમારે 70 વર્ષની વયે અંતિમ શ્વાસ લીધા. પંજાબી અને પ્રાદેશિક સંગીતને આગળ લઈ જવામાં દર્શન કુમારનું યોગદાન ખૂબ મહત્વનું માનવામાં આવે છે.

મિકા સિંહે દર્શન કુમાર માટે એક પોસ્ટ લખી હતી

દર્શન કુમારની તસવીર શેર કરતા મીકા સિંહે લખ્યું – “હમણાં જ હૃદયદ્રાવક સમાચાર મળ્યા કે T-Seriesના માલિક દર્શન કુમાર જી તેમની સુંદર યાદો સાથે અમને છોડીને ગયા છે. તેઓ એક મહાન વ્યક્તિ હતા અને હંમેશા મદદગાર હતા. તેમણે ઘણા ગાયકોને સપોર્ટ કર્યો અને તેમને લોન્ચ કર્યા અને અસંખ્ય પ્રતિભાઓને તક આપી. માતા રાણી તેમની આત્માને શાંતિ આપે. ઓમ શાંતિ.”